مــســـــــاكــم ورد
الــيــــوم انا جايبه لكم اختبار روووووعه
إلى كل من يتوقع أنه مرجوج...
إلى من يشك ان فيه شوية من الرجه..
.
إلي كل من يستنى رجه وما صارت له...
إلى كل من يحلم بالرجه ..و ما تحققت رجته...
إليكم يا اعضاء منتدانا المرجوجين و الغير مرجوجين...
"هذا كله مقدمة الموضوع"
هل أنت مرجوج ؟
وإذا كنت كذالك .. ماهو مستوى رجتك ؟
للإجابة على هذه الأسئلة ماعليك الا اجراء هذا الاختبار النفسي المرجوج ..
السؤال الأول :
انت توك قايم من النوم وطفشاااان ووااااصلة معك .. قمت تغسل وجهك وتفاجأت
بنملة تبي تدخل خشمك .. ما هي ردة فعلك :
1- تمسك النملة وتفعصها بإصبعيك وأنت تكركر ومستانس و تقول : والله يا أنتي
نملة منسمة تبين تخترقيني .. هع هع هااااااي .. بس على مين أنا أبو جلمبو والأجر على الله .
2- توخر النملة عن وجهك و تنتفها وانت تشتمها .
3 - تخلي النملة تدخل خشمك .
السؤال الثاني :
رااااجع من المدرسة أو الكلية او العمل .. المهم وتلقى الواااالدة سرحانة في الصالة
تفكر وش تصلح بكرة إذا بغت تسير في الضحى على أم صويلح .. ماذا تفعل :
1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني
يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى ..
تقول لها : قلبي تولع في الرياض .. حب ورثته من الجدوووود
ها هااااااااااااااااااي والله تسحيبة يمة .
2- تجي بشويش من ورى أمك وهي سرحااانة وتصرخ في أذنها
وتقول : مساااااكي الله بالخير .. وطبعاً هي بتنفجع وبتقول وجع الله
يمسيك بعصا إن شاء الله .
3- تطلع غرفتك وماتسوي شيء
السؤال الثالث :
انت توك مقيل وماخذ لك قيلولة على كيف كيفك , ونااازل الصالة
إلا وتشوف خواتك الصغااار عند سبيس تون طااايرة عيونهم .. ماذا تفعل :
1- تجي يعنني تكنس وتغطي عليهم التليفزيون <<< أحلى يا أليسا
2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف .
3-تقعد تتفرج معهم.
السؤال الرابع والأخير :
بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة :
1- تنسم كفراته الأربعة .
2- تسلم عليه وتلزم عليه يعزمك على العشاء .
3- تشتري له تويكس معك
النتيجة :
أعط نفسك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة
9 - 12 :
أنت مرجوووج جداً ..
حالتك خطيرة .. وقد تتحول رجتك إلى هبااال رسمي .
الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .
5 - 8 :
أنت مرجوج بس على نذااالة شوي ..
مستوى رجتك معقول لكن لا تستخف دمك كثير لأنك حتجيب العيد .
الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..
واكل عصفور قبل الغدا مرة في السنة يفيد احيانا..
4 - 5 :
يا خي انت منتب في الدنيا .. ميت والناس حيين ..
انتبه على نفسك لأن أهلك احتمال ينسوووونك إذا بغو يسافرون.
الحل : كورس رجة مكثف عند أعلام الرجة في نظرة الفكاهه و الصور الكاريكاتيريه...
ملحوظـــــه :
ياريت كل واحد يكتب لنا عدد النقاط اللي حصل عليها..
و لا تفكرونها لقافه , تراها بس حب استطلاع__>>ينقالك ترقيعه
مودتي للجميع
[marq=left:d1778b70e9][/marq:d1778b70e9]منقووووووووووووووووووووول |