بسم الله الرحمن الرحيم



في ذاك اليوم المشؤم اللي بغيت اروح فيه طعم جحاش واتورط مع خليقة الله انا مالي ومال المشاكل بس الطمع هذا وهواللي نكبني وجاب لي العيد قبل يعيدون الناس



المهم ان السالفه ومافيها اني كنت رايح لواحد من اخوياي جنوب الرياض وانا ماشي شفت الدوريات الامنيه اللي الله يعينهم وتحركاتهم كثيره في الموقع اللي انا فيه واستغربت وقلت الله يستر



مشيت في طريقي وشوي الا واحد مطلّع سيارته من مستودع ونزل من السياره مسرع وراح بيسكّر باب المستودع وطارة شماغه ولا رجع ياخذ شماغه استغربت وقلت وش فيه الرجال كذا!!!!! الرجال مطوّع يعني ملتحي طنّشت وكملت طريقي


بدت افكاري تروح وتجي والفار بدا يلعب بعبي على قولتهم وراسي شوش وقلت ياولد بلّغ عنه يمكن يكون ارهابي وهذا عمل وطني تشكر عليه وبعدين لاتنسى ان الابلاغ عن ارهابي عليه جائزه مليون ريال والله فكره رهيبه واستفير منها وامن مستقبلي


<<<<<<<<<< يامستقبل الفقر مستقبلك قال مستقبل قال


طلعت جوالي قلت ابغى ابلّغ الجهات الامنيه(متعوب عليها)اتصلت :999

طوووووووووط طوووووووووط

مسوي ذكي :الوه السلام عليكم
المامور:وعليكم السلام
مسوي ذكي :اخوي بغيت ابلغ عن شخص اشتكيت من وضعه انه ارهابي
المامور: اقول اتصل على 990 وبلغ هناك هم اللي ياخذون المعلومات منك
مسوي ذكي :طيب طيب شكرا وفي امان الله

انتهت المكالمه



المهم مالكم بالطويله بلغت الاخوان في مكافحت الارهاب وعطيتهم الموقع اللي انا شفت المطوّع فيه وقالو خلاص حنا راح تنواجد بالموقع باسرع وقت واخذو اسمي ورقم جوالي وبعض البيانات وطلبو مني تلفون ثابت عشان يكملون الاجراءات وياخذون بياناتي عطيتهم تلفون بيت خويي اللي انا رايح له وشوي الا انواع الدوريات شاطفتني قلت اقعد ياولد والله انك خطير ومهم بالدوله


<<<<<<<<<<< اقول طلّعنا من السياسه الله لايهينك


وصلت لبيت خويي وبغيت اعلمه السالفه الا تلفون بيتهم يدق ورد عليه خويي وقال تلفون لك قلت الله يستر كلمتهم وعطيتهم بياناتي قال خلاص اذا احتجنا لك نتصل بك قلت طيب ياخوي والجائزه متى استلمها ضحك وقال اذا فيه شي نبي نبلغك المهم علمت خويي السالفه قال ياخي مالك داعي تورطنا معهم قلت يابو وش اورطك فيه قال ليه تعطيهم رقم تلفوننا قلت ياخي هو طلب مني رقم ثابت عشان يكلموني والا تبيني اروح للكبينه اكلمهم منها وش فيك انت خواف قال المهم لو يدقون عليك مره ثانيه لاتروح لهم تراهم يبون يودونك في ستين داهيه قلت وشووووووووووو



خير ياطير وش فيك يابو ترى لو فركت بيجيبوني لو اني مزبن بالسطوح والا فوق الخزان جايبيني جايبيني خويي قال بكيفك واستاذن بيجيب القهوه رجع وهو يضحك ومعه القهوه قلت وش فيك قال لاسلامتك مافيه شي المهم تقهوينا وسولفنا واساذنت ابروح للبيت الا الجوال يدق فلان الفلاني قلت نعم حضّر علينا في وزارة الداخليه الدور الثاني ثالث مكتب على يسارك قلت طيب من انتم قال حنا مكافحت الارهاب قلت طيب وش تبون بي انا مبلّغ ومالي دخل قال تجينيا بس اجراءات امنيه ونخلي سبيلك قلت طيب انا جاي


خويي قال انصحك لاتروح والله ان تعفن عندهم وماتشوف النور ابد قلت مالي شغل فيك انا ابروح ولو مارحت هم بيجيبوني ومشيت متجه لهم بالسياره وانا ماشي جوالي دق طار قلبي وقلت الله يستر واشوى طلع خويي قلت هاه وش تبي قال وصلت لهم قلت توني طالع من عندك مايمديني قال انصحك قلت اقول ترى ماني فايق لك بااااااي


دق الجوال مره ثانيه احول لله وش يبي هذا واطالع الارقم غريب وارد ويكلمني واحد قال معك النقيب فلان من مكافحت الارهاب ليش تشغل جوالك قلت بس هذا خويي يكلمني قال شف لاتحاول تهرب ترانا جايبينك لو وين ماتروح قلت ادري ياخوي وانا رايح لكم قال بسرعه كلها كم يوم تشرفنا ونفكك قالت ليه كم يوم قال هذي اوامر تبي تكلم اللواء يعلمك خذ معك اللواء ويكلمني اللواء باسلوب حلو وقال ياخي تفضل عندنا ومالك الا اللي يسر خاطرك انا حسيت في كلامه انه يمكر علي قلت ياخوي خلاص ما ابي الجائزه بس خلوني بحالي والله متنازل عنها قال طيب تعرف فلان الفلاني(خوي اللي تقهويت عنده قبل شوي)




قلت هااااااه ايه اعرفه قال انا فلان خويك قلت الله ياخذ وجهك نكبت عفشي وخبصتني وبغيت اموت وانا بس افكر بالزلازيل اوريك مردوده والله ما اخليها لك ... انا مادريت انه يوم راح يجيب القهوه اتفق علي هو واخوه يبون يخرعوني الصراحه انا حقدت عليه ومن يومها ما عاد اكلمه ومسوي زعلان عليه اخاف يذلني بسالفتي ويفضحني فيها مع اخوياي وشطبت على المليون اللي كنت ابغاها من خوفي اني اتورط واجيب العيد بنفسي.. والله ستر علي انا وسالفتي ولاحد عرف فيها الاانتم... انتهى


اتمنى اني ما اكون طولت عليكم وغثيتكم


تحياااااااااااااتي


ملاحظه: جميع الحقوق محفوضه لـ سعود البطه