مو الجيل فاشل
و تحملوا رأيي شوي
يعني هالجيل منو اللي رباه ؟؟
مو الآباء و الأمهات اللي هم أنفسهم يقولون جيل فاشل ؟؟
ليش نشوف بعض الشباب رجااال يتحملون المسؤولية و على خلق و التزام
و نشوف بنات مستورات و راعيات بيوت و يحترمون الكبار
القصور من الأهل اللي تركوا التربية على الخدم قبل سنوات و الحين يجنون ثمار اهمالهم
و بتقولن التلفزيون و الإعلام و المغريات في هذا الزمن أكثر
صح اكثر بس لو الولد و البنت يتربون من صغرهم على أساسيات ثابته بتصير عندهم مقاومة على الأقل بدرجة ما
و يقولون أول : كل وقت ما يستحي من وقته و في حديث او مقولة ( ماني ذاكرة ) ربوا اولادكم لزمان غير زمانكم
يعني كل جيل و له اطباعه و حياته و سلوكياته و لبسه و أكله و نقدر نخلي كل هذا تحت ظل الدين و الأخلاق
الجيل مو فاشل
التربية هي اللي فاشلة و الدلع و الدلال الزايد هو اللي خلى بعض الشباب و البنات ما يتحملون المسؤولية