شفتها ياسعود صدفه بعد ماغابت سنين *** عند قسم المختبر وسط مشفى الجامعه
جيتها ثم قلت ممكن فى سؤالي تسمحين *** ناظرت فينى بدهشه ونظره متواضعه
قالت انته تحسبني من بنات صايعين *** تحسبنى فى وماني عن طريقي ضايعه
قلت انا ماراح اطول كلبوها كلمتين *** وابعدت عني وشويه ثم جتني راجعه
قالت اسأل واضح انك من رجال طيبين*** بس هرجك يا السنايدي كان وشهو دافعه
قلت انا حبيت وحده يوم كنا صغيرين *** ومن ثمان اسنين راحت للمواصل قاطعه
عقبها ماذقت نوم يهتنيه النايمين *** ساهر فى طول ليلى لين شمسي طالعه
اذكر انه فيه حبه فوق ثغره من يمين *** واذكر انه لا جرينا كن شعره تابعه
واذكر انه عاشق فالورد الياسمين *** صار قلبي بالورد اللى عشقها زارعه
طابعا اسمه بقلبي فيه سين وفيه عين *** وفيه الف وفيه دال وسط قلبي طابعه
قاطعتني بقولها سبحان ربي العالمين *** كررتها مره ومرتين ورابعه
قلت وشفيك وشبلاك يابنيه ترجفين *** ليش عينك يابنيه من كلامي دامعه
قالت الموقف وقلبي والمحبه والحنين *** كيف اشوفك بعد ماكنت عنك قانعه
قـلـت انا بسـألك انكـانك انتـي تـذكـرين *** عن مواثيق ثمنها من حياتي دافعه
قالـت ظروف الزمان ماتطـيع العاشـقـيـن *** بيعوني غصب حبك لو هو مانى بايعه
انـا فـى دنـيـاي حـالي كنـهـا السـجـــــــــيـن *** حتـى لـو فكـو سـراحه فـيه شـي مانعه
زوجوني غصب واحد وحرموني حاجتين *** الـسـعـاده فـى زمـاني والحيـاه الرائـعـــه
والحين انا ام لثلاثه عـنـدي ريم وياسمـيـن *** والولد اسمه على اسمك والمشاعر جايعه
