ممكن اضيف قصتي عندكم بالمنتدى.؟

[Nany]

السلام عليكم ورحمة الله وبركاته

احبابي شلونكم وشخباركم؟؟

حبيت اشارك معاكم واضيف قصه انا مالفتها وانشالله تعجبكم

بس قولولي بالاول تحبون تقرون والا ما تبون

القصة كويتية وهي عن قصة مراهق

واذا عندكم اي تعليق او راي او نصيحة قولولي

ها شرايكم؟؟؟

[Candy Girl]

ياليت والله يا ناني تكتبين لنا هالقصه

ننتظرها منك حبيبتي واكيد حلوه مثلك

وانا موااافقه طبعا ...

تقبلي تحياتي

[انجليس]

بالعكس نااني
اكيد الكل موافق واكيد الكل منتظر القصه
تحياااااااااتي لك

[CiTy-LoVe]

انطر القصه على نار :)

بسرعه بسرعه :)

اكيد ناي موافقين


يالله ننتظر القصه

تحياتي لك

نبض المنتدى

[اجوان]

اكيد حياتي نبغى نقرى القصة

ولو في اي تعليق هنقولك اكيد

بس نزلي القصة يلا

[عاشقة الصحراء]

اكيد عيوني نريد نقرا قصتك ..

وننتظر انك اتنزلينها على احر من الجمر غناتي ..

وانشاء الله انها بتعجبنا لانك انتي اللي كاتبتنها الغلا ..

[مزوووووني]

نــــــــــــــــــاني اعجبني اسلوووووووووووووووبك في اخذ راي الاعضاء


وكلنا وبصـــــــــــــــــــــــــــــــــــــــوت عالـــــــــــــــــــــــــــــــــــــــــي نبغا القصه

لانها انتي كتبتهااااا

بس ياويلك لو ماهو انتي كتبتهااااااااااااااااااااا................

<============ يمزح اكيد انتي كتبتها


====================
تـــــــــــــــــــــــــــــــــــــــــــح ياتي لكـــــــــــــــــــــــم

[Nany]

السلام عليكم ورحمة الله وبركاته

اشكركم اخواني واخواتي في المنتدى على التشجيع الحار

والكلمات التشجيعيه التي صدرت من القلب الابيض الصافي الحنون

واكيد انا اللي كتبت القصه وراح يبينلكم من اسلوب الكتابه لاني مبتدئه

وانا بعد عمي ابو زوجي شجعني على الكتابه وقالي اعطيها للمخرج ويسويها مسلسل

حلوه الفكره والا شرايكم ؟؟ بس مو هالقصه قصه ثانيه اللي بسويها مسلسل ما خلصت منها..

اسفه طولت عليكم وانا بقسم لكم القصه للتشويق وعشان ما تملون..

ملاحظة: اعذروني عالكلمات البذيئة بس هذا واقعنا والاولاد في حياتهم تكلمون بالهشكل وهذا اللي اشوفه يحصل بين اخواني..

نبدء القصة .. القصة تبدي والبطل قاعد يقرى مذكراته ويتذكر ايام المراهقة

احب اقولكم شي .. تقدرون تسمون هذي المرحله من العمر طيش شباب ولعب يهال..
اسمي "فهد الخالدي"عند خو اصغر مني بسنتين اسمه"فواز" وانا مريت بمرحلة مراهقة عجيبة احب اقولكم شي انا من الصبيان اللي يحبون الكشخة عشان جذي انا كله مفلس مرة طلبت من ابوي فلوس وانا كنت توي ماخد منه فكلاني بقشوري وقالي: "فهدو" انت وين تودي الفلوي تاكلهم؟. اقوله: لا اكل فيهم وانت الصاج. يعصب ويقولي: كلاك الدود انت ما عندك بيت تاكل فيه. وبس هدا موضوعنا كل ما اقوله ابي فلوس ومره ما اخذت منه ولا فلس حمر عشان جدي عطاني خمسمية اهم شوي بس نعمة ورحت سوق شرق من الربع واخدت "فوازو" معاي اول ما دخلنا رحنا المطعم جنا يايين من مجاعه قعدنا نسولف سوالف مليغه كلهه طنازه وحش بالناس صكينا على الحريم وانا قاعد اتلفت شفت بنيه جنها البخت اتينن مع انها كانت عاديه بس اجدبتني قعدت اطالعها جان يقولي "عبود" : روح رقمها. وانا ولا مره بحياتي رقمت قلت بجرب حظي ورحتلها كانت واقفه عند "كنتاكي" قلتلها: ممكن طلب؟. جان تقولي بطنازه: جكن رويال والا وابر. ومشت ... ااااااااااخخخخخ والله على هالحركه كان ودي ادبحها لحقتها الا اكلمها بس شفتها رايحه حق امها فخقيت ورديت حق ربعي جان يقولي "عبود" السخيف: كاهي امها روح اخطبها. وقاموا يضحكون اما انا فطلعت اطالع اليهال يلعبون بالنطاطيات وانا احاول اهدي نفسي جان ايني "حمود" حبيبي وقالي: "فهد" انت زعلت؟.. احنن نتغشمر معاك. قلتله: انا مازعلت
ولو سمحت خلني لحالي. مسكين كسر خاطري راح وكان شكلة متضايق علي المهم انا
قاعد افكر سمعت بنت تقول حق صديقتها: مسكين قاعد بروحه يباني اقعد معاه.
واتهاوشت مع رفيجتها منو اللي تقعد معاي جنه صج دخلت قعدت عند طاولتهم والا
اسمع امها تقولها: روحي طلبيلنا شي نشربه. صج حمير خدامة ابوكم اهي؟؟ عاد اهي
حماره طاوعتهم وراحت تشتريلهم وانا فكرت بخطة امر صوبها واحط الرقم بالصينيه
بس خفت تحس فيني فقوقفت يمها واهي تطلب وحطيت الرقم بالصينية من غير لا
تحس وراحت لهم والا كل وحدة مدت ايدها جنها زومبي واخدت بيبسيها وبين الرقم
شافته جان تعطيه حق امها وقلته عاد فكرت شلون ارده جان اشوف بنيه صغيره جنها
دبدوب قلتها تحطه بالصينيه قصيت عليهه قلتلها انه طاح منهم وحطته جان اعطيها حلاوه واستانست وهم شافت الرقم مره ثانية وبغت تعطيه حق امها بس اشرتلها :لا. جان تحطه بجنطتها وهني رديت حق الربع جان اقولهم: رقمتها. وعاد تحجه "عبود" المليغ وقال: نعيما.. عالبركة.. منك المال ومنها العيال. حقرته ودلف عساه ما يرد جان يقولي "حمودي": تهقا تدق. قلتله: ليش لا كل شي جايز. قعدت معاهم شوي بعدين رديت البيت مع "عيسى" واخوه "جويسم" ويوم رديت البيت استغرب ابوي لاني راد ايد وره وايد جدام جان يسالني: "فهدو"مو شاري شي؟. عاد اقص عليه بجم كلمه واقوله: مالقيت شي بالسوق. وانا اصلن مادخلت السوق رحت فوق حق "فوازو" اشوفه شنو يسوي والا قاعد عالنت جابلته والا قاعد يطير عالبنات صواريخ يقولهم انا حلو واهو اصلن ماشاف الحلاة مليت من ملاقته جان اروح داري ونمت وبعد اسبوع يوم اليمعه دقت علي الساعه 11,00 دقت علي وحده وقالت: انت "فهدط ولا انا غلطانه. تدكرت داك اليوم بسوق شرق البنيه الحلوه اللي رقمتها جان اقولها: أي انن "فهد" اكيد انت البنت الحلوه اللي بسوق شرق عدل؟. قالت: عدل. وسولفت معاها وعرفت ان اسمها طفاطمة" وعندها اخت اصغر منها اسمها "ساره" حاجيتها لما ادن الفير صليت ونمت واليوم الثاني قعدني "فوازو" كنت نايم نوم اهل الكهف لاني كنت سهران قعدت الساعه وحده الظهر صليت وتغديت بعدين قعدت مع "فوازو" نخطط وين نروح اليوم جان يقولي: شرايك نروح السينما؟. قلتله: حلو.. بس شنو الفلم. جان يقولي: فلم هندي. عاد انا غرامي الافلام الهنديه بس الفلم المعروض مو حلو جان اقوله: خلاص نروح فلم اجنبي. جان يقولي: الماتريكس حلو. جان اقوله: اوكي. وانا اصلن مادري شنو هالفلم وشنو قصته وعلى كل هالتخطيط والا "عيسى" عنده شغل واهو الوحيد فينا اللي يسوق فابتلشنا وقزرننها بالتاكسي عاد رحنا سينمت الشعب انا و"فواز" و"جسوم" و"عبود" و"حسين" وكان الفلم مليغ حده و"فوازو" املغ دبحنا بهذرته بعد ماخلص الفلم طلعنا بره والا صدفه اشوف فطوم وعاد انا ماقدر اشوفها جدامي ومم اكلمها رحتلها وكانت مو منتبهه جان اقولها: قوه بنيه.
البقية بعد سماع ردودكم

واعذروني عالكلمات البذيئة ممكن مساعده من المشرفين لشطبها؟

الف شكر لكم

[انجليس]

يسلموووو عالقصه المميزه
وبانتظاااااار تكملتهاااااااا

تحيااااااااااااتي القلبيه لك

[مشاكسة]

وااااااااااو
القصه مره كيوووت مثلك
يلا عاااد لا تطولين علينا اوكي لاني استمتعت فيها وباين من احداثها ومن اللهجه انها كويتيه بحت
اوكي حبيبتي بانتظار البقيه

[Nany]

اشكركم عالردود

وهذي تكملة القصة

جان تفز وتقول: "فهد"!. جان اضحك وععد قالت: شلونك وشعلومك؟. قلت: تمام مترقع. جان تضحك وقلت: وانتي شلونج؟. جان تقولي: بخير. عاد حسيت اني صاك عليها ورفيجاتها يمكن يبونها بسالفه وهني قلت يعني درب: انا استادن اخلج مع صديقاتج بس لاتنسين تتصلين. جان تقولي: انشالله بس خل بالك على نفسك. وقلت: وانتي بعد حطي بالج على نفسج. ورديت لهم جان يقولي "عبود" حده حاقد: غلطان ليش ماتروح تقعد معاها بعد؟ زرعتنا. حقرته وانا اول مره امسك اعصابي عاد رديت انا و"فوازو" البيت واول ما دخلنا والا ريحت الزفره جنه داشين سوق السمج رحت المطبخ حثق امي جان اسد خشمي وادش جني بغوض عاد قلتلها وانا بموت: يمه احب اقولج شي. جان تطالعني يعني قول جان اقولها: الله يهداج انا و"فوازو" ما نحب السمج. جان تقول بطنازه: أي عيال هالايام .. والا هدا السمج.. بس محد فيكم يعرف قيمته. جان اقول: يعني بتوكليني غصب؟. جان تقول: لا لا تخاف .. راح اعملكم حاجه تانيه. جان احبها على راسها واطلع لاني اختنقت رحت داري بدلت بعدين رحت اشوف "فوازو" شقاعد يسوي والا الله يشيله الصور اللي عالشاشه فضيعه جان اضحك والا يفز من مكانه يصكر الشاشه يوم التفت والا يشوفني قاعد اضحك جان يعصب ويقولي: "فهدو" لو تصق الباب يكون وايد احسن. جان اقوله: احب اقولك شي.. دامك خايف وتدري ان اللي قاعد تسويه غلط ليش تسويه؟ ناطر لما يكشفونك؟. جان يعصب ويقولي: مو شغلك بس سد بوزك ولا تعلم احد. جان اقوله: لا تخاف تطمن سرك في بير.. "فوازو" افصل ابي اسولف معاك. جان يطالعني مخترع جان اقوله: لا تخاف مو عن الصور. جان يقعد عاد قعد اسولف معاه شوي جان يسألني: شلون رفيجتك اخر وحده. جان اقوله: اخ على هالبنيه.جان يقولي: يعني تبا تقولي انك تحبها. جان اقوله. اخ.. احبها!.. احبها موت. جان يطالعني مستغرب يقولي: اوف شنو مسويتلك سحر؟. عاد يت امي وقالت: انتوا لما الحين مانمتوا؟. جان اروح داري وقعدت لاني حسيت اني موقادر انام عاد وانا قاعد افكر رن التليفون والا هدي "فطوم" كان صوتها متغير فسالتها: شفيج حياتي؟. جان تقول واهي تبجي: اختي في المستشفى. قلت: ليش عسى ماشر. جان تقولي: لا سلامتها ما تشوف شر. جان تقول: بس انا خايفه. جان اسالها: عليها؟. جان تقول: أي. قلت: لا انشالله بتقوم بالسلامه.بس انتي لا تشغلين بالج. وانا قاعد اواسيها والا ترقع بالباب لاصار ولا استوى والا هدا "فوازو" الخنزير قاعد يرقع الباب ويصارخ: "فهدو"عساك الموت بطل الباب لا ابطل راسك.عاد قلتها اني بكلمها بعدين وفتحتله الباب وانا معصب حدي وقلتله: "فوازو" يا خره شفيج تصارخ جدي جنك يهودي بمعركة؟. جان يقول: ابوي يبيك . جان اقوله: وخير انشالله؟. قال: مادري. نزلت تحت حتى اشوفه شيبي والا الحبيب يبيني اشتغله حمالي يبيني اروح معاه الجمعية جان اقوله: يبا احب اقولك شي .. انا اليوم تعبان خل "فوازو" يروح معاك؟. جان يقول "فوازو": لا لا يحوشك. عاد طالعني بعدين طالع "فوازو" وكان معصب حده وطلع واهو يتحلطم عاد اهني عصبت امي بعد جان تقول: زين جدي زعلتوا ابوكم؟. وراحت المطبخ وانن لحقتها اراضيها و"فوازو" صعد داره بعد ما قصيت عليهه بجم كلمه رحت حق "فوازو" فوق اشوفه شيسوي ويوم دشيت فز من مكانه كالعاده وصكر الشاشه جان اقعد على فراشه واهو كمل شغله جان اقوله: "فواز" احب اقولك شي بس خايف تزعل.. ليش ما تبطل هالسوالف الماصخه؟. جان يقول معصب: مو شغلك خلك بمكانك واقضب لسانك. جان اقوله: انا قاضب لساني بس ادا كشفوك انا مالي شغل. جان يقولي: جب. عاد عصبت شنو جب؟ انا اخوه الكبير يكلمني جدي جان اصقه على راسه وهني عصب وصكر الشاشه وقام ينادي امي عاد ما صدقت خب يت وعلى طول طقتني جنه احد مطرش عليها قالتلي: "فهدو" يوز عن اخوك وان اديته ياويلك. تضايقت وحسيت انهه تحب "فوازو" اكثر مني عاد جان اقوم واتصل على حبيبي "حمودي" اهو الوحيد اللي فاهمني قلتله عن السالفه قالي: ماعليه.. حبيبي انا موجود فلا يهمك احد. عاد استانست وقعدت اسولف معاه واتفقت معاه ان نطلع من دون "فوازو" وخططنا نروح الشعب الساع سبعه بعدين رحت الصاله والا امي و"فوازو" قاعدين يطالعون تي في جان تقولي امي: "فهودي" حبيبي تعال اقعد معانا يا روحي. حقرتها ورحت داري واهي لحقتني واوقفت عند الباب وقالت: شفيه الغالي زعلا ن علي؟. جان اقولها: أي. جان تقول واهي تقعد جنبي: ليش حبي انا شو عملتلك؟. بعدين ضمتني جان اقولها بلغة البيبي: ماما انتي تحبين "فوازو" اكثر مني بس يقولج اني تحرشت فيه تصدقينه على طول. جان تقول: "فهد" حبي شفيك صكيت عاليهال انا ما احب واحد اكثر من الثاني وهم انت انا ما ارضى حد يضايقك بعدين احب اقولك شي انت الغالي وانا ماقدر انساك. جان اقولها: وانا الكبير. جان تقولي: وشيامرني فيه "فهد" كبير؟. جان اقولها: ابي بوستي. جان تبوسني وترجع حق "فوازو" ععد انا بدلت وطلعت بره السكه اشوف العقد قاعدين يتهاوشون بعد دقايق اوصلوا وركبت معاها وتمصخرنا بالسياره عاد يوم وصلنا الشعب اخدت "حمود" و"جسوم" ورحنا "بوكيت" صورنا والا الصور خايسه مادري شلون صايره وانا شكلي حد الاكس واستعباط عجيب بعدين رحنا داخل نلعب بولنغ وطبعا "حمود" شلخنا وبعدين رحنا نصور ستيكرز واستعبطنا استعباط مو طبيعي رحنا بره نمشي ونطفر الهنودالا يبونا نلعب وانا قاعد امشي رن تلفوني ولا "فطوم" داقه خرعتني جان اقولها: ها اختج فيها شي؟. جان تقولي: فال الله ولا فالك مافيها الا العافية واهي الحين احسن بوايد من الاول. جان اقولها: الحمدالله طمنتيني. جان تقولك "فهد" انت وينك؟. جان اقولها: في الشعب بس ضايق خلقي لانج مو معاي. جان تقولي: بعد عمري لهالدرجة؟. جان اقولها: لا واكثر. جان تقول يعني مستحيه: لاعاد انا استحي جدي. جان اضحك والا يتليقف "جسوم" ويقول: منو هدي رفيجتك؟. جان اقوله: عندك مانع؟. جان تقولي "فطوم": حبيبي انا بروح بيت خالي اوكي؟ ادق عليك مره ثانيه. جان اقولها: اوكي على راحتج. عاد جان يقولنا العنديك تعال العب انت يعرف. جان اقوله: لا ما يعرف. ويقولي: بلى يعرف. جان اقوله: يه؟! قصب العب. جان يقول "حمود": خل نجرب. جان اقوله: لاانا امي ماترضى. جان يقول "جسوم" تقولك هدي اللعب مثل القمار صح؟. جان اقوله: بالضبط. عاد "حمود|" عنيد وراسه يابس جرب وفاز في ميداليه صغيره تلوع الجبد جان يقول يعني بيضيع السالفه: عادي هدي ميداليه حق سيارة المستقبل. جان نضحك عليه عاد الريال تمصخر عاد يانا "عسيى"وشاف اللعبه جان يقول بطنازه: ماشالله فزت بهاللعبه وايد كبيره شلون بتشيلها؟. جان نضحك والا "جسوم" التبن يوري اخوه الصور وضحك علينا بعدين قال: شرايكم ندخل نتعشى؟. جان نوافق ورحنا اهم
والبقية بعد لردود
على فكره هذي القصة اول قصة كتبتها فعشان هيك فيها اغلاط وايد واخطاء لان هذي البدايه

الف شكر

[مشاكسة]

مشكورة غناتي على القصه
وبلييز حطي باقيتها بسرعه
لانها عجبتني لوكي

[Nany]

اشكرج عزيزتي عالمرور بس انا ماني شايفة اي اقبال عليها

مادري مو عاجبتهم والا ما يحبون يقرون

او لاهين بالامتحانات مادري شالسالفه؟؟؟

[مشاكسة]

بصراحه شكلهم لاهين بالمتحانات
وانا مثلهم والله
بس غصبن عن هالضغط الي انا فيه اسرق من وقتي شويه وادخل المنتدى
صدقيني المنتدى كله بينتعش من جديد بعد الاختبارات

[Nany]

الله يوفقكم انشالله ويحفظكم من كل شر حبيبتي

[مشاكسة]

شدعوه ناني وين باقيتها
ولا تبيني ازعل منك؟