البارحه واكثـر العشـاق فـي كـل دار
فـي خيـر ولاّ انـا والله مانـي بخيـر
جوال (ليلى) سرى ليله علـى الانتظـار
ياويل حالي وانا ليلي سرى فـي سعيـر
اعـد حبـات مسبحتـي وادوّر قــرار
واقلّب ارقام جوالـي غضب..واستخيـر
واقول من صدمة اللي صـار والانهيـار
وانا احس الغضب داخل عروقـي يسيـر
ياليتني معطيٍ (ليلـى) اسمـي المستعـار
ماهي تعرف اسمي الاول والاسم الاخيـر
مابين حب الجنون..وبيـن حـب الوقـار
ومابين عقل الحكيم..وبين قلـب البصيـر
مدري اواصل طريقي.. ولا ارد اعتبـار
ولاّ اني انسـى هواهـا..ولا ذا مايصيـر
انا ادري انها اذا دقـت تجيـب اعتـذار
ومشكلتي انها اذا اعتذرت اسامح واصير..
كني بزيرٍ علـى شـوف اللعابيـب طـار
ولاّ سجينٍ عـن الافـراج جـاه البشيـر
هي مشكلتها على ابسط شي اسوي تغـار
ومشكلتي اني اذا حبيـت احـب بضميـر
