وش ذنبي أنا .......
يعني علشاني شينه .....
علشاني كحليه ولاعلشان شعري خشن ولاعلشاني عصله حتى الموت ..
ولايمكن لأن عيوني صغار
ليـه .... ليـه مااتزوج وين حقوقي....
ليـه دايم يحكمون على الشكل الخارجي ..... شوفوني من داخلي
شوفوا اخلاقي ..... انا كلي ادب واخلاق ....
صدقيني انا ماقد ركبت جمس الهيئه الا مرتين بس والله بس
وااااااه اااه ليتني ماركبت
المره الاولى : وفي ذاك اليوم اكتشفت اني شينه
كنت رايحه لواحد من هالمجمعات وبعد ماطفشت من وضعي قررت اسوي شيء يمكن يغير
من وضعي شوي ويخلي الخطاب يجون بالطوابير
وقفت بنص المجمع وكشفت وجهي وقلت باعلى صوتي ترا بيتنا جنب دكان محي الدين في النسيم
ومادري ليه الشباب هجوا كلهم حتى التكرن وهم يصارخون لاااااا
ذاك اليوم وانا في جمس الهيئه ايقنت اني شينه المطاوعه يناظروني ويتعوذون
المره الثانيه : رحت لنفس المجمع ومعي اختي ووقفت بوسطه وكشفت وجه اختي
وصرخت: ترا ماني باشين وحده بالعالم
الناس قامت تراكض يمين ويسار من الراعه
سكروا المجمع اسبوعين شاكين انه مسكون
وذاك اليوم وانا في جمس الهيئه ايقنت ان اختي اشين مني
سكتت مزنه
سكتت على صياح الخطابه
الخطابه : خلاص لاتكملين خلااص والله كسرتي خاطري
ابجازف بسمعتي وادور لتس معرس خلاص
مزنه : واختي ....>>>>> هنا ابتسمت الاخت واعوذ بالله
الخطابه : ذي اسجلها بنت ولارجال .... لا.. لا اسمحي لي اخلاقي ماتسمح لي اغش الناس
بها الشكل العنيف
اختها : ليـه ... وانا مالي حقوق يعني
الخطابه : يا اختي >>>> الله لايقدر شر زين ذا الوجه لتس حقوق
تغطي الله يقرفتس ... وشيلي عنكبوتس معاتس يالعانس
مزنه ان شاء الله الاقي اللي ياخذتس بس ابي صوره شمسيه وملف علاقي
نسوي على الصوره تحسينات ويمشي حالتس
بعد مده كادت ان تقارب الستين سنه
بعد جهد جهيد وسهر ليالي واتصالات ومنشورات ولوحات اعلانيه عن المدعوه مزنه
وجد تعيس الحظ ... صح انه من تكرن جد بس مو مشكله
خمس ايام كانت الاستعداد النفسي لعريس الغفله التكروني ليقدم نفسه كافدائي
بطل .. شهم .. خلص المملكه العربيه السعوديه من ثاني اقدم عانس
ترا الاولى اختها
اخطبوها وياملح خشتها مزنه
دخل عليها ابوها على استحياء
مزنه : يبه .. هذي سنة الحياه ..... هذا مصير كل بنت في عمرك
الآب : بس
مزنه : تلايط ابي الحبيب .... قلت لك هذي سنة الحياه يعني سنة الحياه .. لاتكفر
الآب : يعني موافقه
مزنه : وانا لاقيه غيره مااوافق ...... موافقه وانا ما اشوف الدرب لاتخليني اصكك على جبهتك الحين
مع ذا السؤال
"تــــمــــت الـخــطـــبـــه "
قرر المعرس قرار لارجعة فيه ان العرس يصير بجده علشان اذا صار فيه شيء ولا شيء
يموت عند اهله احسن من ديار الغربه ... والعرس بعد اسبوع
تجهزت مزنه في هالكم يوم واشترت كم طاقه قماش وفصلتهن تيورات كشخه
ولما مابقى على العرس الا يومين جهزوا اعفوشهم >>>>> ريضين
بس المشكله ان مزنه واهلها ماقد شافوا جده ولاحتى في التلفزيون
ماعليه في جده ولا المريخ معرسه معرسه الله لايعوق بشر
وانحشرت العايله الكريمه في السياره حشره لدرجه ان كراع اخوها بجبهتا وكوع اختها الصغيره
في رقبتها والعانس حاشرينها في الشنطه هي وعنكبوتها
وبعد معاناه شديده ومسيرة يوم كامل واكثر شوي وصلوا جده واستاجروا لهم بيت
والمسكينه من التعب راحت تبي تنام وطبعا البيت صغير
علشان كذا نامت هي وخواتها وبنات خوالها في غرفه وحده >>>>>> يالله لاتضيق علينا
وفي الصباح الباكر
مع ذا
الضيقه والقرف
ومع تغريد الغربان وتدعيس الورعان
صحت من النوم والمسكينه تحس بضيق تنفس .....
تبي تتنفس ماقدرت .....
تحاول مـافيه امـل ....
وينها وين النفس دام بنت خالها الدبه راقده عليها..
لا وخشتها بخشة اختها وانواع الصنان هي اصلن متعوده بس حراااام عااد
خلاااص اليوم عرسها ياوجه استح قامت ورفست اختها
الله ابوتس غاثتني في حياتي تفووو
واللي اخس وامر من ذا كله مدري من بنت التسلب اللي حلمانه ومن الحماس
شايتتها على براطمها اللي غدت مثل خدود مريم الغضبان
وبعد جهد جهيد وقطع انفاس قدرت تطلع من الغرفه >>>> دعست في بطونهم ماتنلام
ودخلت المطبخ تبي تسوي لنفسها فطور
ياللهـــــــول
ياربــيــــه
لا ما اصـدق
ماماتت ترا باقي
انفجر الفرن في خشتها وزاد الطين بله >>>>> يلعن خيرك مالقيت الا يوم عرسها
هو الصراحه ماصار فيها شي بالحيل بس كان في يوم من الايام عندها حواجب
بس اللحين مافيه واحترق الشعر صح انه خشن بس كان مغطي على عيوب خشتها
بالعربي الدعوه خربت
لكن البنت مصره تعرس اليوم يعني اليوم >>>>>> تخاف تصير مثل اختها
تجي في ذاكرتها صورة اختها ومعها عنكبوتها
لااا لااا مستحيل
وقبل المغرب بشوي راحت لخوها
مزنه : قم يمال ............... <<<<< مشفره ودني للصالون بسرعه
صياح : انا ما ادل وبعدين ذا مو بعرستس
مزنه مستحيه : الا
صياح: ارسل الزبيريه كاتعبير عن احساسه وقال : طسي اكوي ثوبي
الله يقرفتس
مزنه : دقيقه بس
الله آبوتس يالتسلبه ...
مزنه تعدي من الاولى ....
وتسحب في بنت خالها ....
وتعدي من الثالثه .....
وتخش على اختها وانواع البقوس والمرافس مره لها ومره عليها
كل هذا علشان ثوبك ياصياح
بعد الهوشه بلحظات
مزنه : اقووول صياااااح قم ودني الصالون
اللي يسأل مايضيع >>>>>> ابدن مايضيع ماوصلت الصالون الا الساعه تسع
الكوافيره شافت خشتها قالت والله لو نسمكر فيها من هنا الين بكره مايفيد
وشخطت عوينتها بالكحل واستشورت الباقي من شعرها
ولما جات الساعه الحاسمه
شرعتها سوداء الله لايلومها
وشافها المعرس >>>>>> التكروني ارتاااع
وقال لها : انا عايف نفسي انا .............. انقلعي وانتي طالق
انهارت المسكينه >>>>>>>>> بدري تو الناس
تترجى فيا تسأل عليا مش ممكن يوم حتعرس تاني
اختي تقول حطي نهايه سعيده بس حريمته والله لو ماقعد غير مزنه
ملااااااااااااحظه :
ترا ماكثروا عوانس السعوديه لان البنات شيوووون
لا خطاء
لان الشباب طفارى
ماعنده خمس ريال لزقارته أبطت مهر
وش رايكم في مسكت الخط تحياتي لكم ..........
طبعا مزرررررررررررررررررررررررررروف
سالفت مزنه سالفه لاتفوتك................ 
مشاركة: سالفت مزنه سالفه لاتفوتك................ 
