السلام عليكم الحين تبون تعرفون الي ياكل تونه مع جبن وش يصير له

اقول لك مره انا وواحد يقرب لي جوعانين وانا اقول له يرحم والدينك جب لنا شي ناكله وبتلت اتشحذه اهم شي وراح هو شوي وجاب لنا صحن تونه , جبن , مايونيز.
وانا عاد مسكين ما اقدر اقول له شي من الجوع اهم شي وبدينا ناكل
ويوم قظينا وقعدنا شوي ورحنا نمنا وما ادري الا بطني توجعن وفيه واحد نايم
جمبي اقومه اقوله قم ودن المستشفى وماعطان وجه بسابع نومه دابخه
وبتلت احاول اقومه يرحم والديك قم همن قام شوي كذا ويقول لي يالله يالله
وانا عاد استانست ومادريت الا ويرجع ينام وانا فقدت الأمل واتصل على السواق
وين انت انا طالع شغل واتصل على اخوي يقول لي انا بالقصيم واتصل
على ابوي واقول له وين انت قال بالشغل وقلت له خلاص وانا قاعد ارجع الأكل الي ببطني وقال لي وراه قلت له بطني توجعن وقاعد ارجع وقال لي وش اكلت
قلت له تونه مع جبن قال ايه عشان كذا انا استانست قلت له وش فيه
قال عندك تسمم ببطنك قال لي انا الحين جايك واروح المستشفى
ويحطون لي سطل مغذي وانا اقول متى يخلص وانا بي دوخه وبطني توجعن
ومدري ايش قالوا لي نبغى شوي من برازك قلت لهم مافيه امل والله

ما تشوفونه اهم شيء وعطون كم دواء وابلع من هالأدويه وانام واقوم والقى بطني مافيها اي شي وعاد انا طبعن حرمت اكل تونه مع جبن ابد وجلست لمدة شهر ماكل لاتونه ولا جبن وهذي نصيحه لا تاكلون تونه مع جبن.ابد ابدابداابد ومع السلامه..........





الزيرسالم
fahdalanzi@hotmail.com