يا ناس

الوردة الحمراء · 09-09-2005, 08:05 AM

انا يا ناس احب شخص
من يوم كنت في اول اعدادي
وضليت سنتين ما اسمع عنه شي
لانه ما نقدر نتكلم ويه بعض
وبعد هسنتين رجعنا حق بعض
وما اخذنا حتى ثلاثة اسابيع من رجعنا
وتوفي اليوم بحادث
اني ينيت
بيتنا ما يدرون اني احبه ولا بيتهم يدرون
ما بيدي شي غير الدموع
اله مب راضيه توقف

قولوا لي شسوي لاني بموت خلاص

الوردة

وحده من الناس · 09-09-2005, 08:22 AM

الورده الحمره ..
وااااايد اتأثرت لين قريت اللي كتبتيه ..
انا اقولج ادعيله .. وادعي انه الله يتغمد روحه بواسع رحمته ..
والله يصبرج ان شاء الله ..

اقري قران .. بترتاحين واااااايد صدقيني ..

ناعـــ الجفن ـــس · 09-09-2005, 08:24 AM

ياحبيبت قلبي ربي عطانا النسيان اكبر نعمة نحمده ونشكر فضلة عليها ،اذكر يوم توفى ابوي عليه رحمة الله

ويومها كنت بثالث ثانوي هلي قالو البنت انجنت من شدة الحزن عليها العوض ومعا الصبر والاحتساب

ومرور الايام صارة المصيبة مجرد ذكرى اليمة ،انتي واجبك الحين
تدعين له بالمغفرة هذا اقل شي تسوينه للانسان الي حبيتيه
في ظل الضروف الي تكلمتي عنها
تحياتي لك

عاشق ومحروم · 09-09-2005, 08:48 AM

كل نفس ذائقه الموت

اخت الورده الحمراء .. لازم تعرفي ان الموت قدر وحقيقه على الكل

وكل شخص له وقت ما يتأخر ولا يتقدم

الكل فقد عزيز وغالي عنده ..بس لازم نمشى بحياتنا

ما اقول لك انسيه .. لكن اذكري الاشياء الحلوه اللي صارت وادعي له

وعيشي حياتك وافضل من قبل ..لان لو كان موجود بيحب يشوفك سعيده في حياتك

الله يرحمه ان شاء الله

هم السابقون ونحن اللاحقون

أمير الورد · 09-09-2005, 09:04 AM

الوردة الحمراء ,,, قصتك واجد واجد تحزن ,,, بس هذا قدر ربي ولازم ترضين فيه,,, وما عليك الا انك تدعين له ,,,
والله يكون بعونك ,,,, وان شاء الله تتعوضين بغيره ,,,, وعليك بالقرآن والصلاة بآخر اليل,,, هو الآن محتاجك مرة مرة لدعائك له ,,,, والله يرحمه ويغمد روحه الجنة ,,, تحيـــاتي

انجليس · 09-09-2005, 10:38 AM

اخت الورده الحمراء .. لازم تعرفي ان الموت قدر وحقيقه على الكل

وكل شخص له وقت ما يتأخر ولا يتقدم

الكل فقد عزيز وغالي عنده ..بس لازم نمشى بحياتنا

ما اقول لك انسيه .. لكن اذكري الاشياء الحلوه اللي صارت وادعي له

وعيشي حياتك وافضل من قبل ..لان لو كان موجود بيحب يشوفك سعيده في حياتك

الله يرحمه ان شاء الله

هم السابقون ونحن اللاحقون

وانا مع اخوي عاشق

الوردة الحمراء · 09-10-2005, 12:27 AM

مشكورين
والله
بس آني مب قادرة احس اني بموت
الله يرحمه يارب
الله يرحمه
الله يرحمه
الله يرحمه
ويارب صبرني
بكرة عليي مدرسه اول يوم من افتتاح المدارس
الله يرحمه
الله يرحمك يا حبي الله يرحمك ياحبي

الموعد · 09-10-2005, 01:22 AM

اخت الورده الحمراء هذا مقدر مكتوب

الله يرحمه ان شاء الله

الذين يشاهدون محتوى الموضوع الآن : 1 ( الأعضاء 0 والزوار 1)