ليتني ساكن عروس البحر جـده
بين مستشفى العيون و بيت خلي
أفتـح الشبـاك وأطالـع لخـده
كل ماشفته وأرحب بـه واهلّـي
له غـلا بالقلـب والله مايعـده
وسط قلبي عن شموسه مستظلي
كم وكم بيّح لـي الغالـي بسـده
وكم وكم بيّحت لك يازين قلـي؟
لو خذاني الزين في جزره ومده
قلت له بفداك انا يازيـن كلـي
مانبي نخسر لنـا قلـبٍ نـوده
يوم عن حب العذارى نستقلـي
حيث قلبي ماقوى هجره و صده
دايمٍ منـي قريـبٍ مثـل ظلـي
لن زعل منـا نراضيـه ونـرده
وانتأسف لأبو وجـهٍ مسفهلـي
وان زعلنا منه مد الزيـن يـده
عاد دوّرني ليـا منـه نظرلـي
ينقلب كل الزعـل ويصيرضـده
كنّ كل اللي حصل له ماحصلـي
يلعن امك حـبٍ وملعـون جـده
كيف بالله للرجـال اليـوم ذلـي
لن بغيت أرخي لحبلي جاء وشده
وأن بغيت اشد حبلي يعتذر لـي
يـا إلآه يغفـر لـزلات عبـده
أغفر الزلات للـي لـك يصلـي
يوم ماله غيرك ليا شيـل لحـده
والكفن من فوقه التربـه تهلـي
تحياتي لكم
ليتني ساكن عروس البحر جده 
.gif)
