حبٍ يشيّب صاحبه ما بَعَدْ شاب *** وحبٍ يشيب وصاحبه في شبابه

وحبٍ يغيب وصاحبه ما بَعَدْ غاب *** وحبٍ يدوم وصاحبه في غيابه

وحب يذوّب خافقٍ ما بعد ذاب *** وحبٍ يداوي صاحبه من عذابه

وحبٍ يتوّب خافقٍ ما بَعَدْ تاب *** وحبٍ يزيدك رغبةٍ في الكتابه

وحبٍ حياته كلّها لوم وِعْتاب *** وحبٍ حقيقي ما يضرّك عتابه

وحبٍ بلا معنى وحبٍ بلا اسباب *** يبدا غريب وينتهي في غرابه

وحبٍ ضعيفٍ مثل حبرٍ على كْتاب *** تمحيه دمعه في ثواني كآبه

وحبٍ قويٍ مثل قصرٍ له ابواب *** لو هبّ عاتيْ الريح ما اهتز بابه

وحبٍ بداية رحلته نظرة اعجاب *** واخر مطافه مثل يومٍ بدا به

وحبٍ يعيش بداخل قْلوب الاحباب *** وحبٍ يشيع وكل حَيٍ درى به

وحبٍ مقامه في ضلوع الصَدِر طاب *** وحبٍ يعدّي مثل مرّ السحابه

وحبٍ على قبره نعق بوم وغْراب *** وحبٍ تغنّى به لحون الربابه

وحبٍ بمقدارٍ وحبٍ بلا حْساب *** وحبٍ بمعروفٍ وحبٍ نهابه

وحبٍ يعيش أهله وسط داره اغراب *** ويموت قهر ويندفن في ترابه

وحبٍ غدا سرّه سوالف للاجناب *** وحبٍ يموت وصاحبه ما حكى به

وحبٍ يشيب وصاحبه ما بَعَدْ شاب *** وحبٍ يشيب صاحبه في شبابه

********** ********* ************

الحب هو تعاطف رقة رومانسية
...الحب حلوشيئ جميل ورائع
الحب بخليك تشعر كم أنت مهم
تحس ان هناك من بحبك و يقدرك
و خايف على زعلك:
باختصاار
شعووور جميل


انظرلا مشاركاتكم وقصص حبكم
فسيس قواطكم بعد غيبته جاب لكم
موضوع عن الحب