حنا بدو يمكثرين العذاريب"="وحنا هل الناموس ياجاهلينا
حنا ولدنا لاظهر كنه الذيب"="يضحك حجاجه لا لفو الغانمينا
والعود لامنه كساوجهه الشيب"="يزود قدره كثر زود السنينا
وماحن نهوز قصيرنا بالمشاعيب"="بالعكس الطفبه من ام الجنينا
خوينا نسقيه حلو المشاريب"="ولو مهتنا حنا ترى مهتنينا
وحنا ليصارالطلب والمطاليب"="مروين حد مصقلات السنينا
حنا لياكثرت علينا المشاغيب"="نصبر عليها لين ربي يعينا
وحنا ليا شدنا فروس المشاديب"="فوق العلالي مثل اسود العرينا
وحن لاهرجنا مانعرف الاكاذيب"="يعيـبنا هرجـن بلـيا يقينــا
وحن ضيفنا يلقى كثير التراحيب"="ونسقيه من صفر الدلال الثمينا
من عقب ذا نطيبه من غالي الطيب"="ونفدغمه فطحت خروفن سمينا
صحيح حن نتبع هوا شمخ النيب"="ممشا معاها عز يـا نـاقديــنا
هاذي عطايا الله حرش العراقيب"="عز العرب ياللي لها ناكرينا
تامن بنا الطياح ام الدباديب"="اللي بها عشب القفر قد رعينا
تبرا الحيرانن صغارن حباحيب"="سودن اذانيها كما شلفتينا
من لامنا في حبنا لفطر الشيب"="جعله فدا لمهجرعات الحنينا
ماتعيبناسود البكار الحنازيب"="مدام نعطي حقها اللي علينا
هاذي صفات البدو واهل المواجيب"="بياعت الغالي على المشترينا
نعم بدو كان البداوه غدت عيب"="وكن ذي عذاريب البدو قابلينا
[/poet:a3c7ac9043]


تفسير بعض الكلمات :

(1) فروس المشاديب .. (( الخيول الأصيلة ))

(2) شمخ النيب + حرش العراقيب + الفطر الشيب + البكار الحنازيب .. (( مسميات للإبل ))

(3) أم الدباديب .. (( الروضه الخضراء والأماكن التي تكثر بها الأعشاب )) مثل ( روضة التنهات )
( روضة خريم ) ( خباري وضحى ) .


تحياتي للجميع (( أبوتركي ))

__________________
يكفي عذاب البعد ياخل يكفي
مالي على فرقاك حيله ولا حل
متى خفوقك ياهوا البال يصفي
مليت من هجرك وحتى الصبر مل



فيصل بن تركي الهاجري