سالفــــــــــه العريس اللى نسى عروسته؟؟؟؟!!

لؤلؤه الحب · 07-15-2004, 08:17 AM

سالفة العريس اللي نسى زوجتــه
هذا واحد توه معرس وخلصت الزفه والامور اللي في القصر.. اخينا في الله شغل ( يعني اخذ ) حرمته وركبوا في السياره .. ودعس للقصيم يعني اهل العروسه في الرياض وهو ساكن بالقصيم
والبنيه تستحي ومبرطمه طول الطريق .. والرجال ماغير يسولف ويهذر والبنيه سااااكته .. مااااا حولك احد

الرجال يأس من البنت انها تتكلم .. وقال يا ولد ما وراها هذرره اشغل المسجل وامسك الخط

في الوقت نفسه البنت كانت حسرانه ومتوهقه انها بس تتكلم عشان تقوله ابي الحمام الله يكرمكم

عاد هي طمرت على المرتبه الي ورا عشان تنسدح عشان يخف عليها الوجع .. الين يوصلون محطه

المهم الرجال ما وعى الا هذيك محطه ويصفط عندها
وينزل عند البقاله وياخذ له كيس فصفص وكم ببسي حق الطريق

هو كان وده يخذ له شريط لمحمد السليم عشان يسليه في الطريق بس
خبركم توه معرس وبايخه مشغل محمد السليم الناس تشغل عبد الحليم ولا ام كلثوم خذلك

البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله
قالت يابنت بيمديني اطمر واخلص وارجع قبل لا يرجع هو من البقاله

المهم المسكينه راحت واخذت وقتها

اخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السيارة وهوشغل ودعسسسسسسسس

البنيه المسيكينه طلعت وهي مرتاااااااااااااااحه و نقص من وزنها كم من كيلووووو

وتناظر يا بنت وين السياره ... وتتلفت ما تشوف غير الهنود حق المحطه وابو يمن حق البقاله

عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب راضيه تصدق انه مشى .. جالسه تتأمل انه يمكن راح منا ولا منا وبيرجع

شوي ما وعت الا ذ1ك الجمس اللي مقبل يوم وقفوا عند البقاله الي جنبها
وتقز الحريم اللي في الجمس ... قالت زين عائله وتروح وترمي روحها على الحرمه الي قدام .. وهي ام العيله وتقول لها خالتي انا داخله على الله ثم علييك .. وهذي قصتي والعجوز مسكت راسها وقالت .. يابنيتي انتي تعرفين سيارت زوجك .. قالت ايه اعرفها

قالت قومي اطمري نلحق على زوجك

ويعبون بنزين ويدعسون وراه

نعود الآن لصاحب الفصفص
اخينا في الله مريح وماشي .. بعد ما لقوه في الخط على بعد نص ساعة

عاد تخيل حبيب القارئ انك على طريق القصيم و فجأة وراك جمس يكبس بالنور بشكل مخيف يبيك توقف وش رده فعلك

اكيد الرجال دعسسسسسسسسس قال ياولد هذولا مهابيل بيضروني ومعي عروستي .. ويااافشيلة اذا انطقينا

والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي .. فقام يولع
نورا لجمس اللي في الداخل عشان العريس يشوف ان اللي في الجمس عائله

وأخيراااااااااااااا .. انتبه و يوقف ... قال وش عنده ذا

ونزل وهو معصب

عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا

يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها
ولله ان تلزق فيك السالفه طول عمرك و العالم يتمشووون ولا عندهم سالفة غيرك .. تصير علك دائم الحلى .. ولا تصف يم علك ابو سهم .. يتشمتون فيك.. المهم راعي الجمس سلم وقال له اخوي ما كأنك مضيع لك شي

قال له العريس ... لا ولله ما ضيعت شي

قال له تأكد

قال العريس ... وشلون

قال راعي الجمس .. رح طل في سيارتك شف في شي ناقص لك

العريس قام يوسوس حتى المشكله مرته ما جت على باله

المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه

ويوم لون وجهه بدا يميل للكرت الاحمر.. ووووووووين راحت المره

ورجع لراعي الجمس وقال هات السالفه 00

قال يا ولد مرتك لقيناها عند المحطه انا واهلي وقالت لنا انها
نزلت للحمام وانت مشيت ولا دريت عنها 00

عاد العريس كل انواع النفاضات نزلت عليه تلعثم ولا قدر يتكلم

المهم راعي الجمس راح وقال للعروسه يلااا طسي عند زوجك شوفيه متصوووومع عليك

المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .

وتقول لا تزعل مني انا كنت مستحيه اني اقولك اني طول الخط وانا حسرانه .. وانت مشاء الله عليك ركبت السيارة وانطلقت

هههههههههه <== يا شين التميلح .. توها تتميلح .. عاد انقلب الوضع صار العريس هو اللي مبرطم طول الطريق والعروسه الي قاعده تبربر ما بقى الا انها هي اللي تسوووق .. عشان اخينا في الله مرتاع من اللي صار

وبس
هذي السالفه اتمنى انها نااااالت على اعجابكم

رنـــومه · 07-15-2004, 08:22 AM

ههههههههههه
حلوه حلوه
هو الصراحه اني قريتها من قبل بس منك طالعه حلوه

يسلموووو

حور · 07-16-2004, 10:02 PM

ههههههههههههههههههههههههههههههههههههههههه
الله يقطع سوالفك..حلوة مررررررررررررررررررررررررررررررررررة
c03c03c03

صغنونة · 07-17-2004, 01:04 AM

هلا

هههههههههههههههههههههههههههه

صج مرة حلوو ة ولكن الله يرجك

لؤلؤه الحب · 07-17-2004, 02:18 AM

صغنونه شكرا على المرررررررور

الله يرج شيطانك

07-15-2004, 08:17 AM	#1
لؤلؤه الحب عضو مميز تاريخ التسجيل: Jul 2004 الدولة: البحر المشاركات: 101 معدل تقييم المستوى: 5	سالفة العريس اللي نسى زوجتــه هذا واحد توه معرس وخلصت الزفه والامور اللي في القصر.. اخينا في الله شغل ( يعني اخذ ) حرمته وركبوا في السياره .. ودعس للقصيم يعني اهل العروسه في الرياض وهو ساكن بالقصيم والبنيه تستحي ومبرطمه طول الطريق .. والرجال ماغير يسولف ويهذر والبنيه سااااكته .. مااااا حولك احد الرجال يأس من البنت انها تتكلم .. وقال يا ولد ما وراها هذرره اشغل المسجل وامسك الخط في الوقت نفسه البنت كانت حسرانه ومتوهقه انها بس تتكلم عشان تقوله ابي الحمام الله يكرمكم عاد هي طمرت على المرتبه الي ورا عشان تنسدح عشان يخف عليها الوجع .. الين يوصلون محطه المهم الرجال ما وعى الا هذيك محطه ويصفط عندها وينزل عند البقاله وياخذ له كيس فصفص وكم ببسي حق الطريق هو كان وده يخذ له شريط لمحمد السليم عشان يسليه في الطريق بس خبركم توه معرس وبايخه مشغل محمد السليم الناس تشغل عبد الحليم ولا ام كلثوم خذلك البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله قالت يابنت بيمديني اطمر واخلص وارجع قبل لا يرجع هو من البقاله المهم المسكينه راحت واخذت وقتها اخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السيارة وهوشغل ودعسسسسسسسس البنيه المسيكينه طلعت وهي مرتاااااااااااااااحه و نقص من وزنها كم من كيلووووو وتناظر يا بنت وين السياره ... وتتلفت ما تشوف غير الهنود حق المحطه وابو يمن حق البقاله عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب راضيه تصدق انه مشى .. جالسه تتأمل انه يمكن راح منا ولا منا وبيرجع شوي ما وعت الا ذ1ك الجمس اللي مقبل يوم وقفوا عند البقاله الي جنبها وتقز الحريم اللي في الجمس ... قالت زين عائله وتروح وترمي روحها على الحرمه الي قدام .. وهي ام العيله وتقول لها خالتي انا داخله على الله ثم علييك .. وهذي قصتي والعجوز مسكت راسها وقالت .. يابنيتي انتي تعرفين سيارت زوجك .. قالت ايه اعرفها قالت قومي اطمري نلحق على زوجك ويعبون بنزين ويدعسون وراه نعود الآن لصاحب الفصفص اخينا في الله مريح وماشي .. بعد ما لقوه في الخط على بعد نص ساعة عاد تخيل حبيب القارئ انك على طريق القصيم و فجأة وراك جمس يكبس بالنور بشكل مخيف يبيك توقف وش رده فعلك اكيد الرجال دعسسسسسسسسس قال ياولد هذولا مهابيل بيضروني ومعي عروستي .. ويااافشيلة اذا انطقينا والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي .. فقام يولع نورا لجمس اللي في الداخل عشان العريس يشوف ان اللي في الجمس عائله وأخيراااااااااااااا .. انتبه و يوقف ... قال وش عنده ذا ونزل وهو معصب عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها ولله ان تلزق فيك السالفه طول عمرك و العالم يتمشووون ولا عندهم سالفة غيرك .. تصير علك دائم الحلى .. ولا تصف يم علك ابو سهم .. يتشمتون فيك.. المهم راعي الجمس سلم وقال له اخوي ما كأنك مضيع لك شي قال له العريس ... لا ولله ما ضيعت شي قال له تأكد قال العريس ... وشلون قال راعي الجمس .. رح طل في سيارتك شف في شي ناقص لك العريس قام يوسوس حتى المشكله مرته ما جت على باله المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه ويوم لون وجهه بدا يميل للكرت الاحمر.. ووووووووين راحت المره ورجع لراعي الجمس وقال هات السالفه 00 قال يا ولد مرتك لقيناها عند المحطه انا واهلي وقالت لنا انها نزلت للحمام وانت مشيت ولا دريت عنها 00 عاد العريس كل انواع النفاضات نزلت عليه تلعثم ولا قدر يتكلم المهم راعي الجمس راح وقال للعروسه يلااا طسي عند زوجك شوفيه متصوووومع عليك المهم العروسه ركبت مع زوجها في السياره وانطلق لسانها اللي كان مربوط وقامت تتعذر له . وتقول لا تزعل مني انا كنت مستحيه اني اقولك اني طول الخط وانا حسرانه .. وانت مشاء الله عليك ركبت السيارة وانطلقت هههههههههه <== يا شين التميلح .. توها تتميلح .. عاد انقلب الوضع صار العريس هو اللي مبرطم طول الطريق والعروسه الي قاعده تبربر ما بقى الا انها هي اللي تسوووق .. عشان اخينا في الله مرتاع من اللي صار وبس هذي السالفه اتمنى انها نااااالت على اعجابكم __________________ meemoo

07-15-2004, 08:22 AM	#2
رنـــومه عضو سوبر تاريخ التسجيل: Aug 2003 المشاركات: 3,857 معدل تقييم المستوى: 9	ههههههههههه حلوه حلوه هو الصراحه اني قريتها من قبل بس منك طالعه حلوه يسلموووو __________________ align=center]({ منع التوقيع لمخالفته قوانين المنتدى }) راجع القرار الإداري بالضغط هنـــــا[/align]

07-16-2004, 10:02 PM	#3
حور عضو سوبر تاريخ التسجيل: Jun 2004 الدولة: in my lovers harets المشاركات: 1,667 معدل تقييم المستوى: 6	ههههههههههههههههههههههههههههههههههههههههه الله يقطع سوالفك..حلوة مررررررررررررررررررررررررررررررررررة c03c03c03 __________________

07-17-2004, 02:18 AM	#5
لؤلؤه الحب عضو مميز تاريخ التسجيل: Jul 2004 الدولة: البحر المشاركات: 101 معدل تقييم المستوى: 5	صغنونه شكرا على المرررررررور الله يرج شيطانك __________________ meemoo

07-17-2004, 01:04 AM	#4
صغنونة عضو فعال تاريخ التسجيل: Jul 2004 المشاركات: 75 معدل تقييم المستوى: 5	هلا هههههههههههههههههههههههههههه صج مرة حلوو ة ولكن الله يرجك

أدوات الموضوع
مشاهدة صفحة طباعة الموضوع أرسل هذا الموضوع إلى صديق