مرحبا يا جماعه..
انا مشتركه من فتره في هدا المنتدى الرائع...لكن لاول مره اكتب موضوع عندكم..
انا كتبت رايي في احد المنتديات وكان الموضوع عن اختيار الكتابه عن ظاهره سيئه تتمنى زوالها..
فانا كتبت عن الموروثات الجاهليه من العادات والتقاليد بمعنى العادات والتقاليد الغير منطقيه او
صحيحه...التي تقيد المراه..او تبخسها حقها
فانا يا اعزائي حبيت اكتب رايي عندكم كموضوع..
":.,":.,":*":.,":.,*
انا ارى بانو المراه ...مظلومه او بمعنى اخر...مهضوم حقها بسبب عادات و تقاليد للاسف غير
منطقيه او صحيحه:
مثلا...ليش لما الشاب يرتكب خطا...يقال له....معليش الولد شايل عيبه في حيبه....و لايحاسب مثل البنت... :!:
عادات وتقاليد!!!!؟؟؟؟؟؟؟؟؟
ايش فيها لو المراه ساقت سياره وهي متستره..و محتشمه ومحترمه نفسها...! انا اعتقد انو
المشكله الوحيده راح تكون انتوا يا الشباب!!! عارفين ليش!!!! لانو المراه ماسلمت منكم في
الاسواق والاماكن العامه حتى وهي محترمه نفسها...فما بالك لو ساقت سياره!!؟؟؟
واللي سبب هادي المشكله...لانو الشاب في مجتمعنا لايحاسب مثل البنت!
ايش فيها لو كشفت وجهي!!! لكن اكون محتشمه باخلاقي...و اكون محترمه نفسي
ليش البنت الفاتشه اللي داخلها نظيف في مجتمعنا تعتبر قليلة ادب...!!! واللي متغطيه او
حاطه العبايه عالراس تعتبر قمه في الاخلاق و الايمان!!! برغم انو و اقسم لكم بالله..اقولها بكل
اسف بعض النساء و البنات اللي يضعوا العبايه على الراس داخلهم مش نظيف و نواياهم
سيئه...وانا قابلت نمادج كثيره مثل كدا؟؟؟
ليش و ليش و ليش وليش.......etc!!!!!
ليش مانميز بين العادات والتقاليد الصحيحه....و نتخلص من الغير منطقيه و التي لاتمت للدين
بصله...!!!
في الاخير اتمنى اكون وصلت الفكره باسلوب واضح....و اتمنى اقرا وجهات نظر الجميع...و كمان
يشرفني اسمع اي انتقاد بناااااء..
تقبلوا خاااالص تحياتي:
عنوده
My email <<< ya shee5 
