هذي ثاني قصه اكتبها ان شاء الله تنال اعجابكم ولي عنده راي يقولي لاني احب النقاش والتعليق والسموحه

:cry: :cry: :cry: حزن الجريح

في أحد أيام الصيف كانت الساعة 8 بتوقيت أحلى مدينه مدينة العين دار الز يين طلع محمد مع أصحابه راشد وسالم وأولاد عمه أحمد وخليفة صوب القنص في الدرب كانو يستمعون لاغاني ميحدحمد خاصة أغنية
(أمطرينا يا سحابه اروي الأرض ألمحيله هلي بجودوصبابه اشفي النفس العليله عالجي عالجي القلب وصوابه بالهوى اروي قليله اغسلي عنه الكآبة للهنا كوني وسيله آه من الحب وعذابه آه كم يطول ليله صابني حبه وصابه ويله من الحب ويله اهتفي أوعر شعابه من نوى خلي رحيله سار عني وسك بابه أمطرت وأكبرت داره وسيله )
محمد : شحا لكم يا الربع
راشد : بوجسيم تسرك حالنا وحوالنا انته شحا لك
محمد: بخير يا بوسنيده
محمد : هابوغنيم شحا ل ولدك خالد
سالم : بخير تسرك حاله حاشرني والله لا ليلي ليل ولا نهاري نهار
محمد: فديته يستاهل كل خير ونته الله يعينك والله في خاطري أكلمه تذكر يوم سرت بيتك ياني وباسني وتكلم وأنا مو فاهم أي كلمه
سالم : من ذلك اليوم ما شفناك
محمد : أنت تدري بالأشغال
أحمد : ها بوجسيم متى فكرت تزوج
محمد : والله الأهل حاشريني يا بو شهاب لاكن أنا لين ألحين ما فكرفي الزواج ويوم بفكر بخبركم وبنزوج رباعه
راشد : إن شاء الله
محمد : ها بوسنيده اخترت حرمه
راشد : ههههههههههه لا والله بعدني
خليفة : محمد أنا خلني ع صوب أنا ما صدقت افتك من حشرة أختي حصة
سالم: بس بو عجيل حرمتي تراها وأنا ليين ألحين ما سمعت حشرتها فديتها
محمد : يا ويل حالي ع كلام الهاوي آآآآآآآآآآآآه يذبح
سالم: بوجسيم عن الطنازه
راشد: هاوين عزمتو يا الربع
محمد : شرايكم بدبي دار الحي
خليفة : شورك وهداية الله
سالم : وكم أسبوع بنتم في صحراء دبي
أحمد : أسبوعين
سالم : مو وايد أسبوع كافي ما روم ابعد عن العين وأهلها
محمد : الله ع الشوق أنا أخويه تبا تكلم الحبايب عندك التلفون كلمهم
سالم : أنا ما روم أتحمل ما كلمها ثانيه كيف أغيب عنها أسبوع ولا أجوفها آه أمري لله
أول ما وصلو دبي نصبو الخيام ويلسو يسترحون سار خليفة ويمع الحطب وشعل النار وسوا قهوة وراشد نزل الطيور ومحمد وسالم واحمد يلسو يتكلمون لين ما صاح تلفون سالم
سالم : الو
حصة : السلام عليكم
سالم :وعليج السلام شحا لج
حصة : بخير تسرك حالي انته شحا لك أنا ماقلتلك أول ما توصل تكلمني
سالم :والله نسيت انشغلت بالكلام مع الربع
حصة :أنزين كلم ولدك حشرني وهو يدورك في البيت
سالم : عطيني إياه
محمد : بو غنيم حط اسبيكر عشان نسمعه
سالم : بو جسيم انته تآمر
خالد : الو بابا انته وين سرت أنا دورك
سالم : فديتك حبيبي أنا في دبي
خالد : بابا أنا أبا نني
سالم : إن شاء الله بيبلك اكبر سيارة
محمد : بوغنيم عطني إياه
محمد : الو
خالد : اتي ثو اثمثك..؟أنا أبا بابا ماليدك...
محمد : أنا اسمي محمد
خالد : ما ليدك اليد بابا وهو يصيح
أول ما سمعه سالم خذ التلفون
سالم : الو حبيبي عطني ماما
حصة : نعم الغالي بغيت شيء
سالم : هيه والله بس ما روم أتكلم بطرش لج مسج عن حالتي الحين

حصة : فديتك والله يله بخليك بسير عند خالد
سالم : يا ويلي ع هذي الكلمة تسوى الدنيا وما فيها يله فداعة الله
حصة : ما تنسى تهتم بنفسك وقبل لا تنام تكلمني
سالم : من عيوني يا عيوني
حصة : برايك فضحتني جدام ربعك
بندت حصه عن سالم ويلس يكتب لحصه مسج
طرش أول مسج وكتب فيه
"ما نسيتك ما هقيت ولا عنك تخليت بس تدري لجل أزيد حبي في قليبك اختفيت "
وطرشت حصه مسج كتبت فيه
" وحشتني كثر فرحي بيوم لقياك وحشتني كثر دمعي بليل فرقاك وحشتني كثر محبتي وأنا وياك وحشتني كثر همي بلياك وحشتني كثر حبي أنا
لطرياك "
محمد : بوغنيم إلي مآخذ عقلك يتهن فيه ويييينك
سالم : هنيه وياكم
راشد : ويــانا ولا ويـا .........
خليفه : بسكم بتخلون الريال يطفر
احمد : وين يطفر ما يروم يتركنا
سالم : افاا عليك مره ما بطفر بيلس ع جبدكم
خليفه : ع جبدنا بوغنيم ههه قول ع قلبنا المهم شحال خالد واهله
سالم :بخير يسلمون عليكم كلكم
محمد +راشد +احمد +خليفه : الله يسلمهم من الشر
محمد : يله شلو طيوركم بنسير انصيد حباري
ركبو السياره واول ما لمحو حبارى نزل محمد وشل البرقع عن الطير وطيره ع ثر الحبارى وصادها واول ما وصلت الساعه6 كانت كل الطيور صايده جمعو الحباري وكان هذا الصيد عشاهم ردوا عند المخيم وطبخو الحباري مرن الاسبوعين بسرعه وكان اليوم اخر يوم ركبو السياره رادين العين حط محمد اف ام وصل ربعه اول ما وصل البيت وايه الاهل حب راس امه وابوه محمد عمره 24 سنه ويشتغل في الشرطه وهو المتوسط بين اخوانه علي 35 سنه مزوج بنت عمته عليا وريم 23 سنه وميثه 27سنه مزوجه من ولدخالتها وعندها بنت اسمها الهنوف عمرها اربع سنوات وشيخه 21سنه ترخص من الاهل ودخل الحجره اسبح وطاح ع السرير يذكر بنت عمه مريم وهي اصغر عنه بسنه كملت دراستها وهي تشتغل مدرسه يحبها حب جنوني ويذكرها ع هذي الاغنيه ( اهواك يا مشعل غرامي يلي بحشا يه حطلي حر حبك ع الفؤاد نامي حب جديد احس به فرق)
قطع حبل افكاره صوت اخته شيخه
شيخه : هلا بالغالي شحالك
محمد : بخير انتي شحالج
شيخه : بخير انا زعلانه تطلع ولا تخبرني
محمد : افاااا ليش الزعل يالغاليه
شيخه : تخليني في البيت بروحي مع خوانك هذيلا الوحوش
محمد : هههههه مره وحده وحوش ههههههه
شيخه : ما شفتهم كيف يعاملوني بسم الله يتحسبوني ولد
محمد : شو يسون محد يسليهم غيرج والله انج غاليه عليهم ما دري شو بيسون يوم بتعرسين
شيخه : بيرقصون من الفرح لانهم افتكو مني
محمد : افا انتي بعدج ما تدرين بقدرج عندنا أنا محد يسمع همومي غيرج واسراري كلها عندج
فجأه صاح تلفون محمد
فرح اول ما شاف الرقم
محمد : هلا والله وغلا هلا بالحبيبه وينج مالج حس
ميثه : هذا كله لي يالغالي فديتك
محمد:فديتج ولوعندي كلام أحلى لقلته لج
ميثه: ويا راسك وينك انت من اسبوعين تولهت عليك محد يزورني غيرك
محمد : طلعت مع ربعي القنص
ميثه : هيه جيه زين الاتعال انته شحالك وشخبارك
محمد : من يسمع هذا الصوت يصير بخير وسهاله
محمد : شخبار ريم وحمد
ميثه : بخير ويسلمون عليك ويتريونك
محمد : ويين يتريوني
ميثه : لحنا في الصاله نزل خوانك وياك أنا متوله عليكم كلكم يله بسرعه

وفي بيت عمه
كانت مريم وعمرها 23 سنه يالسه مع خليفه وعمره 26 سنه و احمد 25 سنه وسعيد عمره 24 سنه يطالعون فلم القنص ويتكلمون عن القنص وسوالفهم في السياره ومريم تضحك ع سوالفهم انصدمت مريم من الشله تمت اطالع الفلم خاصه شلة محمد ع اغنية ميحد حمد ..( احبك يا نظر عيني غناتي .. و احب الارض لي تمشي عليها .. و احبك حتى اكثر من حياتي ... و اسوم الروح لجلك و اشتريها ..)...كانت تقول في خاطرهاااا احــــــــــبك ونته ما تدري فديتك
صاح تلفون خليفه
خليفه : الو
حصه : السلام عليك
خليفه : وعليج السلام شحالج يالغلا
حصه : بخير تسرك حالي ونته شحالك
خليفه :بخير دامج بخير فديتج ليش ما تينا والله تولهت ع خالد وسوالفه
حصه : والله اذا تولهت لو زرتنا يالقاطع
خليفه :تعرفين مشاغلي الدوام ما يخليني براحه
حصه : هيه دورلك عذر فتح باب حجرتك بشوفنا جدامك
خليفه : والله الحين بطلع
طلع خليفه وشاف حصه وخالد لوا ع خالدوسلم ع حصه
خليفه : هلا بالطش والرش والماي الممزر في القرش
حصه : بالمهلي وين الوالده
خليفه :احيدها تقول انها ضاقت من اليلسه في البيت وبتيلس ع المنامه
حصه : زين الجو غاوي بعد يالله طلعنا بنسولف مع شوابنا
خليفه : برخصج اختي انا بسير ارقد تعبان ما رقدت البارحه
حصه : ليش ما تبغي عشا
خليفه: لا يالغاليه تعشو بالهنا والشفا
سار خليفه حجرته ونام لان عليه دوام الصبح
سارة حصه عند امها ويلست كان ابوها وسالم واحمد وسعيد يسولفون عن السيارات وامها مضايقه لانهم ما يكلمونها يلست عند امها وخبرتها انها حامل الام : فديتج ان شاء الله تقومين بالسلامه
حصه : الله يسلمج يالغاليه
يلسو يرمسون لين الساعه10,5وبعدين ترخص سالم وحصه لان سالم عليه دوام باجر أصبح يلست الام مع اولادها سعيد واحمد
الأم : عيالي انتو كبرتو وأبا افرح فيكم

احمد : امايه لحنا ما بنسبق اخونا العود خليفه يوم بيعرس بنعرس
الأم: خليييفه آآآآآآآآآه عيزت وأنا أباه يعرس ومن كمن يوم رخصكم تعرسون قبله مثل ما يقول انه ماله نفس يعرس لانه راد من السفر وما عنده شيء للعرس
احمد : امايه انا ارخص اخويه سعيد يعرس قبلي لاني هالشهور عندي دورات وما با انشغل بالعرس
الام : هاااا ولديه سعيد انت بعد بتعتذر
سعيد وفي عيونه لمحت حزن لان اخوه في يوم من الايام اعترف له انه اذا نوى على العرس بياخذ شيخه بنت العم وسعيد من صغره يحب شيخه وما يعرف يعيش بلاها يحب الأرض إلي تمشي عليها آآآآآه كيف بيواجه هذا الالم
سعيد : خلاص الغاليه انا موافق باخذ بنت عمي ريم
الام : خلاص ولديه بسوي لحرمت عمك وبحجز يوم للملجه والخطبه
احمد : مبروووك يابو عسكوور
سعيد وقلبه يتقطع : الله يبارك في حياتك عقبااالك
في صباح يوم الخميس سوت ام خليفه لام محمد وطلبت يوم ايون ويخطبون ريم قالت بنخلي الخطبه يوم الجمعه والملجه بعدها بأسبوع
في بيت ام محمد كانت شيخه وريم يشوفن فلم في قناة 2 فنادت الام شيخه سارت شيخه وقلبها يدق كأنها حاسه أنها بتموت
شيخه : نعم امايه تأمريني بشيء
الام : بنتي توها ام خليفه مسويه تلفون تخطب ريم
شيخه : تخطبها حق منوه
الام : خطبتهاا لولدها سعيد
شيخه نزلت راسها ومرة الذكريات مثل الطيف جدامها مصدومه سعيد الي انتظرته طول عمرها ياخذ اختها يطعنها بخنجر من الخلف كانت صدمتها قويه
شيخه وعيونها مليانه دموع : الله يتمم ع خير
سارت حجرتها وقفلت الباب طاحت ع شبريتها وهي أصيح فتحت صندوق الذكريات ويلست تقرى رسايل سعيد إلي وعدها يأخذها وكانت تقول في خاطرها كيف سعيد بتحمل تأخذ أختي وأنا احبك رفعت يدها تطلب من الله يصبرها ويخليها تتحمل هذي المصايب وبعد مرور ساعه حطت أغنية (في خفايا القلب آآهات وعذاب وفي ضميري هم وحزان وشجون ليش يا دنياي
أحلامي سراب ولي هويته بقلبي الصادق يخون عايش حياتي في مآسي وكتئاب والعمر ينضيع عسى جراحي تموت كان لي أغلى من أهلي والأصحاب وكان لي يا ناس أغلى من العيون ابعد واقفا وأنا كلي اقتراب وما بقا لي شيء خياله في الكون جفت دموع العين والحب ظلام آه كم بشكي من جروح وطعون هل من عن ناظري ظلام غاب وفي ألمحبه صدق خيبة الظنون )
فجأه سمعت دق ع الباب يوم فتحته حصلت اختها ريم طايره من الفرح
ريم : شووويخ باركيلي باركيلي
شيخه والعبره خانقتنها : مبروك
ريم : تعرفين سعيد بي يخطبني رسمي باجر وبعد اسبوع بنملج
شيخه : عرفت ياليت ماعرفت
ريم : شويخ شيء فيج انتي مريضه
شيخه : ريموه انا تعبانه بطيح ومحد يوعيني ويوم تطلعين سكري الباب وراج
ريم : سلامتج
شيخه : الله يسلمج
يوم الجمعه يا سعيد مع ابوه وخوانه خليفه واحمد وخطبو ريم وبدت المباركات لها
وشيخه ما طلعت من الحجره كأنها في عزا عيونها متورمة من كثر ما صاحت دخلت مريم عليها واول ماجافتها حست بحزنها لان مريم كانت تدري الي بين سعيد وشيخه لانهم من صغرهم يحبون بعض لوت ع شيخه إلي اصيح لاكن ما عرفت تهديها كانت ترتجف وحالتها حاله كانت تقول مريم في خاطرها كيف بتكون حالتها يوم بيعرس سعيد لانها الحين ماتحتمل بعده عنها
شيخه : ليتني مت قبل لا اشوووف هاليوم ..
مريم : بسم الله عليج من هالرمسه تعوذي من إبليس
شيخه : مريوم والله ما روم اتحمل هذا الحزن كله والله لو ما خاف الله لو جتلت نفسي اليوم آآآآآآآآآآآه يامريوم
" ما هو بسهل الفؤاد ينساك ما هو سهل الفراق يا خل والله احبك حب وهواك وحبك غزال الفواد وحتل ما اتخيل الدنيا بلياك انته الغلا والكل فالكل يا نجم لا لامع بين الافلاك تسفر ع هذا الكون والطل ياليت النوم شرواك اسهر ودمع العين ينهل ما تدري ان الحب هلاك يدعي صحيح الحال معتل تبغيني ا تعذب بمفلاك ولا اغادر عنك ارحل راضي اعيش الحب وياك هذا سؤالي ورغب الحل ؟

مريم : الله يبعد الالم عنج توضي وصلي ركعتين شكر قولي لان يصيبنا الا ما كتب الله لنا
شيخه : و نعم بالله
مريم : شو اسوين شويخ
شيخه : اكتب رساله وطلبتج قولي تم
مريم : تم
شيخه : عقب الملجه عطي سعيد هذي الرساله وما با حد يدري شوفيها
مريم : ان شاء الله
مر اسبوعين وسعيد حالته حاله لانه يحب شيخه وابد ما تخيل يأخذ أختها
ويتركها آه كيف مر الاسبوعين عليه كان يحس قلبه وهو بيترك حبه بعد اليوم وبيصير ريل ريم وريم حرمته
في يوم الملجه اجمعت العائله كلها وربع سعيد واحمد وخليفه كانت الملجه حلوه خارجيا لاكن داخليا كانت حزينه ع سعيد وشيخه بعدما خلصو الملجه سوت مريم لخوها سعيد
مريم :مبروك الملجه اخويه
سعيد وفي صوته نبرة حزن : الله يبارك فيج عقبالج
مريم : سعيد ناس مطرشيني لك
سعيد : منوه
مريم : اطلع من الميلس وركب سيارتك بتحصل الرساله في سدت السياره
سار سعيد وركب السياره وشغلها ويلس يقرى الرساله كان مكتوب فيها
السلام عليك ورحمة الله وبركاته
سعيد مبروك الملجه اعرف انك تفكر ليش كتبت الرساله كتبتها لاني مثل ما يقولون اكتب وصية مماتي تعرف احب اكلمك لاكن اليوم صرت ريل اختي ما دري شو سويت احصل منك هذا العذاب كله تعرف اني حلفت ما خذ انسان غيرك وبتم ع وعدي وسمع هذي الاغنيه الي في الشريط أول ما حط الاغنيه ( سال الدمع عالخد دفاق وانا دريج الموت وانوح خلي هجرني وناوي فراق وانا من الهجران مجروح الي نسا عهده وميثاق ومن ربعته ما نلت مربوح وجفني لذيذ النوم ما ذاق وطيف الحبيب دايمن ينوح

أقفا وخلاني بالاعواق ودعاني جثه بلا روح ورمح الجفا راسخ في الاعماق من يوم خلي لازم يجوف ) سكر المسجل وكمل الرساله تعرف الي كنت افتخر فيه هو حبي لك يا سعيد أنا احبك من صغرنا لاكن أنت بعت حبي وهذي آخر قصيده بكتبها لك ............

" حبيتك ونسيت الناس بهواك
بعت نفسي واهلي في غرامك وغلاك
صرت مثل السيف في يدك تتحكم فيه بهواك
واليوم بعتني برخيص في فناك
ظالم عسى عينك وشوقك ينمحن في بهاك
طعنتني بخنجر حبك بدعاك
روح عسى ربي ما يهنيك بغلاك
رميتني بطريقك ونسيت الي يهواك
هذي قصيدة من الجتبي M

آه يا شيخه عذبتج معاي آه كيف بسامح نفسي ويلس يعيد قراية الرساله وعيونه تحمر من كثر ما صاح دخل عليه احمد
احمد : شو فيك بو عسكور ليش موفرحان
سعيد : ما شيء يا بو شهاب
احمد : وشو الي ما سكنه
سعيد : ما شيء رسالة ربيعي
احمد : اها بوعسكور ربيعي عوض وربعك باجر بيحتفولون فيك لانك خليت العزوبيه وبيكون الاحتفال في دبي
سعيد : ان شاء الله خير بو شهاب بترد ويايه البيت
احمد : هيه يله بسير ارقد
ساروا البيت نام احمد لاكن سعيد ما رام يرقد وهويذكر شيخه وسوالفها فجأه صاح التلفون وكانت الساعه 2
سعيد : الوه
شيخه ودموعها ماليه عيونها وصوتها يدل ع حزنها : مرحبا بو عسكور
سعيد اول ما سمع الصوت حس انه مخنوق : مرحبتين شحالج شيخه
شيخه : لا تسأل انته لو همتنك حالتي لو ما خطبت اختي
سعيد : شويخ ما تظلميني والله اني احبج لاكن .............
شيخه : لاكن شوه يا سعيد قولي
سعيد : انتي تدرين ان احمد يرتاح وااايد ويايه ومره أنا يالس أتكلم معاه قالي لو فكرت بالعرس ما بأخذ غير بنت عمي شيخه
شيخه : والله ماخذ غيرك يا سعيد واذا غصبوني بدعا ع عمري بالموت
سعيد : بسج يا شويخ أنتي يوم تدعين ع عمرج تدعين عليه تعرفين اني مااصبر عنج
شيخه : آآآآآآآآآآآه يا سعيد كيف أصورك يالس بقرب أختي وأنا احبك
سعيد : فديتج شويخ لا صيحين وغلاتي
سعيد :شويخ انا ما بعرس لين ما تعرسين
شيخه : سعيد ابد لاتفكر فيه أنا ما بعرس وبتم أنت...ظ....ر...ك
وبندة التلفون
(وضاع حظي والعمر ضاعي والشقاوالهم شليته اتصلبي وقال وداعي ياللذي بالقلب ربيته يرمس ويذرف الادماعي وأنا قلبي تقول شقيته قلت وش بك قال ما داعي إلي بلاني ما تبليته قلت كان محب تراعي شو من الذنب سويته قال قاصب اليوم ببتاعي حرموني شخص حبيته وطلبتك تستر أوضاعي ولا تبين حب أنا اصيده والعذارى أصناف وأنواعي واعتبرني من القهر ميته قلت يعله يقطع ا ذراعي كان صوب الغير مديته )

ويلس سعيد يفكر في كلام شيخه وحزنها خاف عليها من أي تصرف متهور فجأه سمع صوت آذان الصبح وصلى ودعا ربه يحفظ شيخه من أي مكروه ويسعدها في حياتها نزل من غرفته وجاف احمد يالس يتريق
احمد : صباح الخير
سعيد : صباح النور
احمد : يالله تريق بنسير دبي
سعيد : مالي نفس يله سير أنا بترياك في السيارة
احمد : زين أنا بتلبس وبطلع
دخل سعيد السياره وشغلها عشان تحر يلس يتريا اخوه يوم ركب احمد يلس يجوف اخوه سعيد كان شارد الفكر ويذكر كلام شيخه الي يحسه مثل الجمر
فجاه قال احمد : حووووووووه شعندك .
سعيد : ماشيء
احمد : سعيد احس انك خذت ريم مغصوب
سعيد هيه والله : لا ابد هذي بنت عمي وخذتها
احمد : الله يهنيك
فجأه صاح تلفون سعيد
سعيد : الوه هلا والله براعي هذا الصوت
شيخه : حد عندك
سعيد : هيه ما عليك
شيخه : بالمهلي يابوعسكور
سعيد : شحالك وشخبارك
شيخه : تعرف حالي ما حيدني خبيت شيء عنك
احمد كان متعجب من ملامح سعيد الي دموعه ما توقفن وهو يتكلم فوقف السيارة باشاره من سعيد نزل سعيد وهو يكلم شيخه براحه لاكن حس نفسه دايخ لاكن ما بقا يسكر عن شيخه
(آه لو تدري حبيبي كان والله ما قسيت من غرامك كم اسهر في الليالي ما أنام لا هنا زادي وشربي ولا بيوم اهتنيت تايه مضيع دروبي وسط عتمات الظلام لا خوي ولا مخاوي ولالقيت إلي اهتويت بين يأسي وبين همي غارق ببحر الغرام يا حبيبي روف ورحم طالبك وانا رجيت حالتي ما هي بخير في الحشا عوق وسقام )
سعيد : شويخ وغلات سعيد عندج اهتمي بنفسج
شيخه : يابوعسكور انت غالي عندي وبسوي الي تباه
سعيد: تسلمين غناتي
شيخه :الله يسلمك تعرف سعيد يمكن قسيت بكلامي معاك امس جذيه سويتلك لاني ما بكدر خاطرك لاني اعرف انك مو ناقص قساوه مني
سعيد : شويخ كلامج عدل لاني احبج وابد ما بقول هذي الكلمه لغيرج وعرفي انج بقلبي وابد ما ببعدج من صغري وانا احبج وبتم احبج لين اموت
شيخه : لا تفاول على عمرك محلى هذي الكلمه الي نطقتها ان شاء الله ما نحرم من الي قالها
سعيد :ما بتسمعينها الى مني يالغاليه
يلس يكلم شيخه وبعد ما سكر دخل السيارة وطلب من احمد يسوق لانه تعبان نزل السيت وطاح ونام كان وهون نايم يهذي كان يقول "شيخه احبج محد بياخذج مني " انصدم احمد من كلام سعيد يحب شيخه وياخذ ريم ليش يضحي بحبه لمن هذي التضحيه كانت الاسأله ادور في باله وما لها جواب بقا يوعيه لاكن شافه تعبان وما رام يصحيه وعى اول ما وصلوا دبي وعدل شكله ويلس وبعد ما وصلوا لبيت ربيعه نزل ونزل احمد ويلسو في الحضيره وقبل لايدخلون
قال سعيد : هووود .. هووووود
عوض : هدااا هداا
سعيد : مرحبا الساع بأهل دبي
عوض : حي الله بأهل العين
سعيد : شحالك يالغالي وشخبارك
عوض : بخير يالغالي ومن صوبكم
سعيد : تسرك حالنا وحوالنا
عوض : يالله عساك دوم انشالله
سعيد : يميع انشالله ....
عوض : ها بوشهاب منوه ما خذ عقلك يتهنابه
احمد : لا محد خذ عقلي لاكن جفتكم تتكلمون وما بغيت اقطع كلامكم
عوض : سمحلي بس مو مصدق أنكم عندنا لأني من زمان احن ع أخوك ولا عطني ويه
احمد : إلا صدق واليوم ما بنطلع إلا ولحنا لا عبين بالسيارات
عوض : هيه والله جذيه أنا عازمنكم عشان أشوف كيف تلعبون بالسيارات في العين مثلنا ولاغير..... وعشان نحتفل لبوعسكور بتنتهي أيام اللعب يوم بيعرس
سعيد : منوه قال اللعب بالسيارات هذي محد يروم يمنعها عني
عوض : ما عليه بنشوف
أما في العين وخاصة في العين مول
كان محمد وسالم وراشد يسولفون
راشد : هلا والله بالربع شحالكم
محمد +سالم : تسرك حالنا ومن صوبك
راشد : بخير يعلكم دوم بخير
سالم : ها بوجسيم مشغول
محمد : لا والله هب مشغول الحين بسكر
سالم : لا سكره أبا أجوف بلاويك
محمد : بوغنيم أنا ماعندي هذي التصرفات إلي تفكر فيهن
راشد : إلا عنده وزووود
محمد : رشوووود عن ما أفضحك تراني بخبره بسالفتك
راشد : شو اصغر عيالك أنا لالالالا خلاص لا تخبره

سالم : ها ما بتقولون شو فيكم
راشد: أنا بسير المطعم وما بخبرك
محمد : عنبووك زاااااد بوسنيده ما سدك الأكل الي كلته
راشد : لا ابد يوعوني الحبايب هههههه
سالم : خلاص عرفنا السالفه بوسنيده طاح في الحب
محمد : الا غرق في الحب
سالم : والله ما قوم لين ما تخبروني التفاصيل
راشد : ياويل حالنا الفضول ياكل صاحبنا
محمد : بس عاد بوسنيده قوله سالفتك وفكنا
راشد عمره 24 سنه طاح في حب بنت اسمها روضه تعرف عليها في المول عمرها 23 سنه وهي من عائله كريمه ذو اصل عريق كان بداية تعارفهم يوم دخلت روضه العين مول قبل أبوها لان أبوها قالها دشي وأنا بلحقج دشت روضه وحصلت شلة شباب وكل واحد اخيس عن الثاني وتموا فاجين حلوجهم وعيونهم عشان يطالعونها روضه : زين أني متغشيه بسم الله الرحمن الرحيم كأنهم أول مره يشوفون بنت بس الصراحه يزيغون
وتمت تتحرطم وغير منتبه لجدامها كانت أطالع شلة الأولاد وتقول نفس الرمسه
فجأه دعمة واحد طاحت غشوتها
.......: ما شاء الله
" وش اللذي عيني تشوفه وجه البدر أو مطلع الشمس الله يا محلا وصوفه بالحسن هذا ببصم بخمس لو تلمس الوردة كفوفه بين من كفه اللمس ون هبت النمسه تنوفه خايف يصيبه منها مس لالا ما تمل العين شوفه لا اليوم ولا باجر ولاامس روحي ع روحه شغوفه خل يريح القلب والنفس كلن سألني عن ظروفه وهمس لهم عن صاحبي همس اسمه معي وعرف حروفه والناس قالو مطلع الشمس "

وسيده عدلة روضه غشوتها
روضه : سمحلي
.........: لا عادي أختي
وسارة روضه عن الريال وهي مفتشله
وتم أبوها يزقرها وهيه عاطتنه بو لابس وسمع الريال صوت أبو روضه وقال : شو بلاك أبويه
أبو روضه : ازاقر بنتي وما اطيع تتوايب بس الله يعيني
الريال : ارتاح الحين بزقرها لك
أبو روضه : مشكور ولديه بسير روحي
الريال : لالالا أستريح أنا ساير
وسار الريال عشان يزقر روضه ....
أبو روضه : والنعم في هذا الريال ما شاء الله عليه كلامه يدل ع طيب أصله لاكن روضه ما بتي الااذا جافتني بس ما رام أبو روضه ينش لأنه كان تعبان
الحين سالفة روضه
تم الريال يلحق روضه وكانت روضه زايغه تقول في خاطرها " ليش يلحقني "
الريال : لو سمحتي ابوج يترياج عند البوابه
روضه : والخيبه
وسارة روضه عند أبوها وفي الطريج
الريال : ممكن نتعرف
روضه : انطب طبك سكني إن شاء الله ........انطب .......
الريال : انزين ع الاقل قولي اسمج
وعطته بولابس وسيده سارت عند أبوها حصلت أبوها طايح ع الصبه وحاولت روضه توعيه لاكن ما شيء فايده
وبعدين قالت : ما عندي غير ذك الريال هوه الحل الوحيد عندي ولا اقول والله فشله الحين شو أسوي أوووووف
أنا بسير عند الريال ولي يصير يصير
وتوها ناشه عشان تسير عند الريال يوم صدت وراها حصلته هوه
الريال : ليش فشله قومي خلينا نودييه المستشفى
روضه : أبا اعرف انته ليش راز ويهك
الريال : ما تبيني خلاص بروح
روضه في خاطرها شو أسوي : تعال تعال خلاص أمري لله
الريال : لحظه بسير عند الربع وبي
روضه : لا تتأخر بسرعه
وتمت روضه أطالع الريال وتمت تقول في خاطرها ويين ربعه وبعدين شافته ساير عند الشله الخايسه وقالت : الله يعينه هالحلو يرابع شله الخايسه اضني رابعهم عشان أي بنت أطالعهم تعجب به لأنه أحلى واحد فيهم
وسالفة الشباب وهم أصحاب راشد من الثنويه
راشد : شباب أنا بسير لأنه عندي شغله ضروريه
عيسى : نعم نعم ونحنا بنتم هنييه
راشد : والله حاله ضروريه ويوم بخلص بييكم
ذياب : رويشد
راشد : احترم نفسك ذيابوه
ذياب : يا حظك بس
راشد : ليش يعني ؟؟؟
ذياب : منيه هالبنت الحلوه ....الي صقعتها ؟؟
راشد : مالك خص
حميد: لا له خص ...... قــــول
راشد : ما شيء وحده ما اعرفها صقعت بها وحين أبوها مريض باااي بخليكم عندي شغله
راشد : عسى ما تأخرت
روضه : خيستني
وبعدين شل راشد أبو روضه وركبه السيارة ورا وخلاه طايح ع السيت الوراني وما كان حق روضه إلا السيت الجدامي إلي عدال السواق
روضه : خلاص ما أبا أسير بترياكم هنيه
راشد : ليش عاد
روضه : خلاص خلاص بسير بتكسي بلحقكم
راشد : شو ها .. شو بيقول ابوج عني يله ركبي
وسار راشد صوب روضه وركبها غصب
وبعدين ركب السيارة وقال : ما تحسين في ابوج ابوج تعبان خلينا بسرعه نوديه قبل لايفوت الفوت ..
وهم في الطريج تمت روضه مفتشله من الي استوى
روضه : انزين سامحني
راشد: افااا هب عشانج بسامحج عشان ابوج هالطيب
روضه : أنزين خلاص
راشد : إلا أقول شو أسمج
روضه : متفيج ... انطب وقبل لا تكمل روضه رمستها هو كمل عنها وقال
راشد : طبك سكني انطب
وعم السكون امبينهم وفجأة سمعة روضه أبوها ينادي ويقول : روضه .....روضه
وقال راشد في خاطره روضه الحين عرفت اسمها
وكانت روضه تصيح عسب أبوها وفي نفس الوقت عسب وحدتها وصلوا المستشفى وبعدين نزلوا بسرعة وزقرو الأطباء عشان يهتمون فيه فحص الدكتور أبو روضه وبعدين قال لراشد
الدكتور : لو سمحت ممكن لحظه
وسار راشد عند الدكتور وتمت روضه عند أبوها
راشد : نعم يا دكتورخيير
الدكتور : هذا أبوك
راشد : لا رفيجي
الدكتور : أنزين لازم الريال يبات عندنا هالاسبوع لان حالته خطيره ويبالها مراقبه إلا أقول
راشد : نعم
الدكتور : الريال عنده أهل
راشد : لحظه
وسار راشد يتخبر روضه عن أهلها
راشد : روضه
روضه : والخيبه تخيبك
راشد : هههههههههههه هذا يزايه
روضه : لا زيغتني
راشد : أنزين عنكم أهل ؟؟؟
روضه : ليش
راشد : الدكتور سألني
روضه : عندي اخو مسافر بس
راشد : بس ؟؟
روضه : هيه
وسار راشد عشان يخبر الدكتور
راشد : دكتور
الدكتور : نعم أخويه
راشد : لا ما عنده غير ولد مسافر وهالبنت
الدكتور: أنزين ....
راشد : يا دكتور بتحسن حالة الريال ؟؟
الدكتور : إن شاء الله بس خلوه يستريح
راشد : مشكور يا دكتور

الدكتور : هذا واجبنا
وسار راشد عند روضه
راشد : يله روضه
روضه : لا أبا ايلس ويا أبويه
راشد : ما ايوز
روضه : لييش عاد
راشد : شو ليش هذا قسم خاص للرياييل
روضه : أنزين خلاص بروح روحي البيت يوم بطمن ع أبويه
..... وعقب شوي ....
صاح تلفون أبو روضه وكان رقم اخوهاا
روضه : ثــــــاني
ثاني : والخيبه شو السالفه
روضه : الحق أبويه بالمستشفى
ثاني : أي مستشفى ....وليش
روضه : ما ادري
وانقطع الخط
روضه : الله يغربل هالخط الخايس
راشد : منوه ثاني
روضه : أخويه المسافر
راشد: أنزين يله نروح
روضه: سر روحك
راشد: يلايلا محد عندج غيري الحين يردج
روضه : الله يخسك شو أسوي
شل راشد شنطت روضه عشان تنش وتلحقه وهويمشي
راشد: خذي شنطج الكجره ويلا خلينا أنسير
ووصلوا عند السيارة ركبت روضه ووصلها للبيت ونزلت
روضه : مشكور أخويه والله تعبتك وياي
راشد : لا أختي هذا واجبنا
روضه : وداعة الله
راشد : يحفظج الرحمن
وهذي سالفتي مع البنت والله طحت طيحه في هواهم
سالم : أنزين تعرفت ع الاخو والعائلة
راشد : هيه تراني زرت أبوه أسبوع وفي ثاني يوم كان راد من السفر وتعرفت عليه والحين أنا وهو ربع وأهلي ما صدقوا أني بعرس وساروا وخطبوا البنت
سالم : الله الله وقع الريال في الهوى من قده
راشد : بوصف شعوري بهذي الاغنيه "أموت أنا في حبهم وارخص أنا عيوني لهم ناس اسكنوا قلبي أنا وأنا سكنت بقلبهم هم علموا قلبي الغرام والشوق كله والهيام هم بس من كل الأنام ما أطيق لحظه بعدهم"
محمد في خاطره يا ليتني مثلك يابوسنيده أروم أتكلم عن مريم وافتخر بحبي :آآآآآآآآآآآآآه
راشد: الله يبعد الوجع بوجسيم شوفيك
محمد : بوسنيده ليت قلبي يتكلم ويقولك
راشد : خلاص قولي شله كلماتها تعبر عن إلي فيك وبنفهم
محمد :" لا شك مولعبك وداريك وقدرك تعلا يا الغلا فوق وتسدني لو لمست ايدينك ابرا وطفي حرة الشوق ويوم اذكر ايام وليالي تنساب دمعاتي من الموق يالله محلا معانيه بك شف لاتخطي ولاتبوق ياصاحبي من يساويك ونته مثلي حبك في العروق عيون تبرق تزاهيك دعجى نعسى والكحل ذوق ما ضن واصف القول يكفيك وما خلق من شرواك مخلوق غير نبي يوسف ياريك يابو عقص مطلوق والهلال والجوزاء من حيايك والخصر حازم وطوق لاشك مولع بك وداريك "
سالم : بوجسيم موجني اعرف الناس الي تحبهم
محمد : لازم تعرفهم لاني ما خبي عنك شيء وغير بنت عمي الي فضحتني
سالم : فديت هالطاري لازم تقولي لاني مليت من كثر ما يمدحنك وخاصه حبيبة قلبك وهي تسولف عنك تحمر عرفت انها تحبك
محمد : فديت الي يحبوني
راشد : بس عاد تراني غرت ههههههه
محمد : موتوك تتكلم عن الحبايب خلنا بعد نتكلم
سالم: ليش محمد كتمت حبك بيننا
محمد : لاني ما با خوانها يدرون ويسون لها سالفه
سالم : عين الصواب يالغالي
محمد : هيه بس ما با هذا الكلام يتعدى هذا المكان
سالم : من عيونا يابوجسيم
محمد : تسلم عيونكم تامروني بشيء
سالم وراشد : سلامتك تو الناس
محمد : خواني تعبان وبسير ارقد والعصر بسير العزبه مع الوالد
سالم : الله يعينك فداعة الله
فجأه صاح تلفون محمد
محمد : الو
ريم : محمد بسرعه تعال
محمد : ليش شو مستوي
ريم : تعال وبتعرف السالفه
سكر محمد عن ريم وما يدري شو الي مستوي
سالم : ان شاء الله ما شر محمد
محمد : والله ما دري لاكن صوت اختي سالفه ومصيبه
راشد : الله يعينك الغالي
سالم : بوجسيم طمني
محمد : ان شاء الله يله فداعة الله
راشد : لاتسرع يحفظك الرحمن
طلع محمد من العين مول للبيت وهو خايف ما يدري شو فيهم اول ما دخل جاف امه ماسكه شيخه الي ترتجف ولاتتكلم وريم اصيح والام خايفه ع بنتها
محمد : ان شاء الله ما شر
الام : ان شاء الله ولديه وين سيارتك
محمد: هذيه جدام الباب
الوالده : عيل شل اختك وانا بييب عبايانا وريم يلسي في الصاله تريي خوانج وابوج وقوليلهم
محمد : عطيني شويخ
الوالده : شوي شوي عليها
محمد مسك شيخه وكانت شيخه تتكلم كلام غير مفهوم بس من الكلمات بيموت ...
محمد: شويخ شو فيج طالعيني اختي جاوبيني دخيلج جاوبيني
ركبت الام السياره وجافت محمد يمسح دموعه
محمد : امايه حاس عمري بمووووت ...
الوالده : ولديه الله يبعد الموت عنك ان شاء الله شويخ بتصحى وبتكلم
محمد : امايه كيف استوت هذي الحاله فيها
الام : والله زقرتها اباها اساعدني في المطبخ وهي نازله من الطابق الثاني طاحت من الدري وحصلتها ع الارض ترتجف وفجأه ينقطع نفسها ياويلي ع حالج يا بنتي
محمد : ليته فيني يالغاليه و لا هب فيج نفادي و نفاد الدااااااااار بلاج
كان محمد وهو يسوق يرتجف ع حالت اخته ودموعه تنزل ع خده
الوالده : ولديه ما بيستوي لها شيء خل ايمانك بربك كبير
محمد : ونعم بالله .... كيف يا امايه وانا احس روحي بتطلع وانا اجوفها بهاي الحاله ولا مره تخيلت اني اجوفها بهاي الحاله
الوالده : حتى أنا يا ولديه ما تهون عليه محد مسليني ويسولف عليه غيرهااا الله يشفيها ان شاء الله وترد لنا مثل الأول وحسن
محمد: آآآآآآآآآمين يا رب الله يسمع منج يالغاليه
أما في دبي كان سعيد يحس بدوخه وعوض وأحمد يلعبون بالسيايير وما خلو حركه بالسياره الا سوها
عوض : ها بوعسكور هونت من ألحين
سعيد : من قال الا الحين برويك اللعب كيف يكون
كان سعيد يحس بجسمه مخدرويمشي كأنه سكران
احمد : ها بوعسكور إنشاء الله ما شر شو فيك
سعيد : الشر ما أييك يا خويه بس أحس أني مدوخ شوي
احمد :عيل ارتاح ما تسوي أي حركه المهم عندنا سلامتك
سعيد: لا والله الا برويكم كيف اللعب شو هذا اللعب إلي لعبتوه انتو كبرتو وتلعبون مثل الصغار
عوض : ههههههههههه ما عليه يا بوعسكور رونا كيف اللعب وبنحكم
سعيد: الحين برويك كيف اللعب بالسيارة
فجاه ركب سعيد سيارته ويلس يلعب والدخانه البيضاء احجبة الرؤيا وفجاه انغمى عليه وهو شال السياره ع تايرين انجلبت السياره عدت جلبات وتكسرن الجامات كان المنظر يخوف ربع احمد وفج باب السياره وطلع سعيد الي كان يرتجف ويلقط انفاسه
عوض : شوفيه ان شاء الله ما شر
احمد : الشر ما اييك ان شاء الله ما ادري لين الحين ويهه يصب دم اخاف تكون الاصابه بليغه
فجأه مسك سعيد كندورة احمد وكان يتكلم بكلمات متقطعة بس عرف احمد أن سعيد يوصيه ع شيخه
زاد خوف احمد ع سعيد وهو يجوفه يرتجف ويدور الهواء